Salaan Media - Warbaahin Dhex-dhexaad ah

Jawaab kusocota Moholin iyo wasiir Xirsi….Duulaanka waxa loogu yahay waa dab kuu shidaye

Adna moholinow maad ka dayn, doog hasiishidine.
 
abdiweli
Waxaan halkan ka salaamayaa dhamaan saxaafada soomaalilaand ee xorta ah iyo dhamaan shacabka sharafta iyo qaaya leh ee reer soomaalilaand, salaan kadib ku soo dhawaada tixdan gaaban ee la magac demin
 
Tidan yari ee gaaban waxaan ugu jawaabayaa nin layidhaa Moholin oo maalin dhawayd soo qoray maanso leh maxaa xirsi loo daba socodaa.
 
Markaa tiXdani waxay cadaynaysaa waxa uu xirsi kaga duwan yahay madaxda kale ee xilalaka haysa amaba soo qabatay xilal hore. Ee Xirsi wuu gabyay oo weliba wuu ku hajabay.
 
 
 
Adna moholinow maad ka dayn, doog hasiishidin
 
Debi oogi maayee anigu waan deminayaaye
 
Abid kay ma doonteen xirsoo, kuma dambaabeene
 
Duulaanka waxa loogu yahay waa dab kuu shidaye
 
Asagaa durbaanada tumoo, deelay daabacaye
 
Asagaa gole ka doobyoo ka yidhi wadin dilayaaye
Asagaan Duqay iyo barbaar, dhawrin dumar-kiiye
Asagaa dacwado soo akhriyay, aan dawo lahayne
Asagaa digaayoo hunjabay, madashi doonyiiye
Asagaa waxbaan duubi yidhi hadalle deelqaafe
Asagaa dubii herer ku dhacay, soo daliishadaye
 
Asagaa togdheer iyo dayacay, dacaladii cayne
 
Asagaa dalbaday weer kee ha iska daafoco e
 
Asagaa duqeeyee shacbigu, maba dagaaleene
 
Malaa wuu dayoobee taladu, kama dubooteene
 
Weligay dabaal kuma sifayn, diricse mooyaane
 
Hadii-se uu diiran yahay, doodsan buu celine
 
Coono daatay waatii la yidhi, kii dumbuun qabo e
 
Ha dalbado inay saamaxaan, waa dariiq wacane
 
Dhibta taal horaan uga digee, waanay deyahayne
 
Jeer ay digaan digaha noqdaan, maba dareemaane
 
Abid kay ma doonteen xirsoo, kuma dambaabeene
 
Adna moholinow maad ka dayn, doog hasiishidine.
 
By Cabdiwelli Yalas
 

 




Leave a Reply