Diyaaradaha Dagaalka Ciidamada Kenya ayaa duqeyn culus waxa ay ka geesteen Saacadihii lasoo dhaafay Deegaano katirsan Gobolka Jubada Hoose oo lagu tuhmayo in ay kusugan yihiin Dagaalamaal katirsan Al-Shabaab.
Diyaaradaha ayaa duqeeyay Deegaano u dhaxeeya Kudhaa iyo Caanoole oo katirsan Gobolka Jubada Hoose , waxaana si rasmi ah aan loo ogeyn in khasaraooyin kasoo gaadhey Duqeyntaasi Dagaalamayaasha Al-Shabaab.
Saraakiil katirsan Maamulka Jubba ayaa xaqiijiyay in Duqeymo Culus diyaaradaha Dagaalka Kenya u geesteen Deegaano lagu tuhmayo in AL-Shabaab ku xoogan yihiin saldhigyo ciidana ku lahaayeen.
Al-Shabaab dhankooda wali wax war ah kama aysan soo saarin duqeynta la sheegay in loo geestay deegaano ay ka maamulaan Gobolka Jubada Hoose , waxa ayna Duqeyntan imaaneysa Xili Diyaaradaha Dagaalka Mareykanka bishii hore Duqeyn ay ka geesteen Deegaan Jilib ku dhaw ku dileen Hogaamiye sare oo katirsanaa Al-Shabaab.
Salaanmedia/Mogdisho