Habeenimadii Salaasadii oo ay taariikhdu ahayd 10/12/2013, waxaa ka dhacday Galbeedka magaaada London xaflad si heer sare ah loo soo agaasiamay, soona qaban-qaabiyeen hablaha reer London oo ay ka mid ahaayeen Seraad Muuse Wasame, Xarakaad Caare , Aamina Cumar Qooblow iyo Hablo kale oo reer Somaliland ah oo qayb weyn ka qaatay.Xaflada oo ujeedadu ahayd soo dhawayn  casho sharaf lagu soo dhaweeyey Wasiirka Wasaarada Arimaha Gudaha Jamhuuriyada Somaliland Mudane Cali Maxamed Warancade oo maalmahanba ku sugnaa magaalada London.
Waxa madashaas ka soo qayb galay danjiraha Somaliland u fadhiya UK Ambassador  Cali Aadan Cawaale, Agaasimaha Telefishanka qarranka SL ee Europe Mudane Cabdiraxmaan Aadan Dheri, madaxda jaaliyada Somaliland ee West London Community, iyo dhamaan qaybaha bulshada kala duwan ee Somaliland oo deggan London iyo nagaaxigeeda.
Ugu horayntii waxaa Aayado Quraana kadib madasha hadalo qiime leh ka soo jeediyey madaxdii  kala duwaynd ee ka soo qab gashay xaflada iyo isugu jirtay Haweenkii soo abaabulay iyo qaar ka mid ah madaxdii kulanka casho sharafta kasoo qayb galay.Waxa ugu Horeyn khudban kooban soo jeediyey safiirka Somaliland ee UK Cali Aadan Cawaale madalo kooban soo jeediyey sheegayna in kulanka Sabtida 14.12.13 dhici doona uu wasiirku la hadli doono bulshaweynta reer Somaliland waxa uuna kusoo dhaweeyey ku soo dhaweeyey Wasiir Warancade  oo ku bilaabay mahadnaq uu u soo jeediyey gabdhihii ka soo shaqeeyey xalfladan quruxda badan, intaas waxa uu ku daray  waxooga yar oo warbixin ah oo ku saabsan socdaalkiisa iyo wadankiiba waxa uuna Wasiirku sheegay in kulanka Habeenimada Sabtida soo socota in uu si balaadhan oo xoog waran ah uu uula kulmayo dhamaan  Jaaliyada SL ee wadankan UK oo ka dhici doonta Malgaaladan London, Kulanka waxa kale oo Tacsi loo direy Madaweynahii hore ee Somaliland Daahir Riyaale Kaahin oo hooyadii ku geeriyootay Magaaladda Boorama Illahay ha u naxariisto.
Waxay xafladii ku soo kusoo dhamaatay jawi aad u qurux badan oo dhamaan kasoo qaybgalayaashii ay salaan iyo soo dhaweyn weyn u muujiyeen Wasiirka.
Lasoco Muqaal hadaladii wasiirku kulanka kasoo jeediyey oo kooban.
Salaanmedia/London
www.salaanmedia.com