Warmurtiyeed..Xisbiga Ucid oo ka hadlay Xaaladda Dalka iyo Dhaliilo is-Huwan oo ay Xukuumadda u jeediyeen

Soo-dhaweyntii-Ucid-Toronto-Madaxweyne-Kuxigeenka-11361Hargeysa(SM):-Musharaxa jagadda madaxweyne ku-xigeen ee Xisbiga Cadaaladda iyo daryeelka ee Ucid,ayaa ka hadlay arimo door oo taabanaya guud ahaan Xaaladda dhaqan dhaqaale ee JSL.waxaana uu si gaar ah farta ugu fiiqay arimaha kala ah: DHACDADII TALEEX, ARRIMAHA LOWYACADDE, XUSKA MAALINTA QARANIMADA IYO SAFARKA WASIIRKA ARIMAHA GUDUHU KU RAADINAYO TAAGEERADA XABBADDA BOLISKU RIDO.

Waxa uu sidan ku sheegay qoraal dheer oo uu soo saaray kuna baahiyay barta xidhiidhka Bulshadda ee Facebook.qoraalkaas oo dhamaystiran ayaa waxa uu u dhignaa sida tan:

“BISMILLAAHI RAXMAANI RAXIIM

WARMURTIYEED KU SAHABSAN, DHACDADII TALEEX, ARRIMAHA LOWYACADDE, XUSKA MAALINTA QARANIMADA IYO SAFARKA WASIIRKA ARIMAHA GUDUHU KU RAADINAYO TAAGEERADA XABBADDA BOLISKU RIDO.

XUKUUMADDA TALADA HAYSAA UMA MUUQATO IN AY DAACAD KA TAHAY WADAJIRKA SHACABKA IYO QARANIMADA S/LAND.

HABDHAQANKA IYO TALADA DALKA LAGU MAAMULAANA WAA MID LA MIDA TII KACAANKII MILATARIGA, WAXAA SII KORDHAYA IN LA ISKA HORKEENAYO SHACABKII IYO CIIDANKII AMMAANKA, RASAASTUNA AY NOQOTO MID KA SOO HORREYSA, WAXA SII BADANAYA CABUDHISKA SAXAAFADDA OO MARBA MID LA BEEGSANAYO, HADDANA AY MARAYSO IN SHIRKADIHII ISGAADHSIINTA AMAR LAGU SIIYO IN AANAY SIININ ISTICMAALKA INTERNETKA SI AY WARBAAHINTU MEESHA UGA BAXDO.

WAA AYAAN DARRO IN CIIDANKA QARANKA LAGU KARAAMO TIRO SAFAR IYO DHAQDHAQAAQ AAN LAHAYN WAX MACNO AH.

CIIDAN WUXU XEREDIISA UGA BAXAA WAA TABABAR, AMA GURMAD BANI-AADANIMO OO AY KU FILAANWAAYAAN HAY’ADIHII MASUULKA KA AHAA, WIXII DHAAFAA WAA MARKA AY TIMAAD XAALAD COLAADEED. INTAA AAN SOO SHEEGNAY MIDKOODNA MA JIRIN, MARKAA DHACDADII TALEEX EE CIIDANKU WAXAY U MUUQATAA MID LAGU SII FOGAYNAYO SHACABKA DEEGAANKA BARI GUUD AHAAN, WAXA LA MID AH TAA, ARRIMAHA KA DHACAYA KASTAMKA LOWYACADDE IYO BADEECADDA KA SOO DEGTA SAYLAC OO COD DHEER IYO COD GAABAN BA LOOGU SHEEGAY XUKUUMADDA IN AY XAL KA GAADHO.

DHACDOOYINKAASI WAXAY CADOW KU YIHIIN WADAJIRKA SHACABKA IYO SUMCADDA QARANIMADA S/LAND, IYO GUUD AHAAN MAAMUL WANAAGGA.

XUKUUMADDA TALADA HAYSAA UMA HAYSATO IN AY HOGGAAMINAYSO DAL DIMUQRAADIYA OO DOORASHOOYIN LAGULA KALA WAREEGO TALADA DALKA, WAXAYNA ISU QAATEEN IN AY HOGGAAMINAYAAN DAWLADDII KACAANKA AHAYD OO KALE, TARJUMADDA AY BIXINAYAANNA WAXAY U EGTAHAY (MUCAARADKU = KACAAN DIID) WAXAA KUU CADDAYNAYA SIDA AY ISUGU KOOBAYSO ARRIMAHA U BAAHAN IN SI WADA JIR AH OO QARANIMO AH AY ISAGA KAASHADAAN AXSAABTA QARANKA OO DHAN MUXAAFAD IYO MUCAARADBA, WAXAA TUSAALE KUUGU FILAN ARRINTII WADA HADALKA SOMAALIYA OO NOQOTAY MID MADHALAYS AH.

SIDOO KALE XUSKA MAALINTA QARANIMADA S/LAND WAA ARRIN QARAN, XUKUUMADDA TALADA HAYSAANA WAXAY U EKESIISAY IN AY TAHAY MAALINTII KACAANKII 21KA OCTOBER TAAS WAXAAD KA DHEEHAN KARTAA SIDA AY ISUGU KOOBAYSO TALADA IYO GUDDIYADA DIYAARINAYA XUSKA 18 KA MAY DALKA GUDIHIISA IYO WUFUUDDA AY UKALA DIRAYSO DAAFAHA CAALAMKA. WAXA HUBAAL AH QAABKAA LOO MARAYO XUSKA MAALINTA QARANIMADU INU YAHAY QAAB FOOLXUN OO KA HORIMANAYA WADAJIRKA IYO QARANIMADA, WAA WAX HORSEEDI KARTA KALA QAYBSANAAN IYO XAFLADO KOOXAYSI AH.

WASIIR WARANCADDE WUXU HADDA KU GUDA JIRAA SAFAR AAN UJEEDDADIISU CADDAYN LAAKIIN HALKUDHEGGIISU YAHAY ADKAYNTA NABADGELYADA IYO CADDAALADDA OO UU TUSAALAYAAL UGU SOO QAADANAYO IN LAGU TAAGEERO CIIDANKU MARKA AY XABBADA RIDAAN OO AAN DAMBI LOO RAACIN, TAASOO UU KU RAADINAYO IN HOGGAANKA DHAQANKU TAAGEERO KU SIIYO. JAWAABIHII UGU HORREEYEY EE MAALINTII KHAMIISTIINA ODAYAASHU WAXAY COD-DHEER UGU SHEEGEEN DHOWRISTA AMMAANKU IN AY XUKUUMADDA KU XIDHAN TAHAY, WAXAANA LOO CADDEEYEY CADDAALADDA IYO NABADU IN AY ISU YIHIIN LABA AAN KALA MAARMIN.

XUKUUMADDA WAXAN UGU SOO KOOBAYAA DALKA CAGTA HALOO DHIGO, XASUUSTA IN AAD HOGGAAMINAYSAAN DAL DIMUQRAADIYA EE AYDAAN AHAYN XUKUUMADDII MILATARIGA AHAYD OO LA IDINKA RABO INAAD DHOWRTAAN WADAJIRKA SHACABKA, DASTUURKA DALKA IYO QARANIMADA.”

ABILAAHI TAWFIIQ.

C/RASHID XASAN MATAAN, MUSHARAXA M/W/XIGEENKA XISBIGA UCID – 19APRIL2014
UCID-Media Group
Hargeysa