Madaxweyne Muuse Biixi Sarayntii Sharciga Ma Hoos U Dhiga Sharciga Ayuu U Badalay ??.

| February 10, 2018

QALINKII

Cajiib: Murashaxii KULMIYE Madaxweyanaha hadda ee Somaliland wuxuu ku ololeeyay saraynta sharciga, shakhsi go’aan adag dooro iyo qodobo kale oo mala awaal aha..Ilaa hadda intaan hayo anigu sarayn sharci iskadaayo hoos u dhigida sharciga ayaa socoto. Madaxweyanaha qodob Dastuuri ah aya siinaya awooda magacaabista iyo xil ka qaadistaba.

Waxa yaab leh Xukuumaddii Siilaanyo waxa aad loo hadal hayn jiray magacaabista habeenkii masuuliyiinta la magacaabo badana goor danbe , arrinta qosolka lihi waxa weeye Muuse Biixi isagu Dikreetooyin qarsoon oo Ummadda laga qariyay ayuu wax ku magacaaba, waana khiyaano iyo sharci jabin. Waxa kalifay anigu garan waayay. Ma cidda aad soo dhawaysatay yaan la ogaanba? ma saami qaybsiga oo haddaba dhibac ka raran oo sadbursiimo foocsanaan ahi sii fuushay ummadda ka qariba? Garan waayay .

Maxamed Cali Bile wuxuu Madaxweyne Muuse Biixi u magacaabay Chief of Cabinet-ka Madaxtooyada, Ummadda looma soo bandhigin magacaabistiisi waanu shaqaynaaya. Waa xil culus oo horena inoo soo maray Xirsi Cali Xaji Xasan ayaa xilkan mar hayay muran badan oo uu dhaliyayna Wasiirka Madaxtooyada ayaa loo badalay . Dood badan oo laga yeeshay waxa dhammaan shaqaalaha Madaxtooyada lagu amray inay ka amar qaataan, haddii la waydiiyo xilkiisana waxay ku sheegayaan La-taliyaha gaarka ah ee Madaxweyanaha. Waan hubaa Saxaafaddu haday Muuse Biixi waydiiso wuxuu ku jawaabi doona “Maxamed Cali Bile waa la-taliyahayga”.. Runtuse waa Chief of Cabinet-ka Madaxtooyada .. Xitaa inuu la-taliye u yahay Shacbiga xasaanada Madaxweyne uu ugu dhaartay looma soo bandhigin…… Maruu ka hadlaayay Toronto Canada oo uu safar ku joogo wuxuu cadeeyay inuu Xukuumadda la shaqeeyo lakiin xilkiisa muu soo bandhigin.

Dr. Cismaan Sheekh waa aqoon yahay ku dhashay Gabilay, Baanka horumarinta Afrika ayuu muddo dheer ka shaqaynaayay. Xafiiska ugu weyn ayaa hadda looga sameeyay Madaxtooyada waana la magacaabay oo isagu waa La-taliyaha la taliyaayasha Madaxweyanaha ee dhaqaalaha iyo maamulka. Waxaase yaab leh Shacbiga Somaliland looma sheegin loomana soo bandhigin, waanu shaqaynayaa. Bal haddaba sidee maamul wanaag iyo wax wada la haansho daacad ahi ku imanaysaa??! Saxaafadda Somaliland ayay u taala inay arrimahan ogaato oo Ummadda u soo bandhigto..

Tusan

Muniir Axmed Cigaal

Category: Articles