Salaan Media - Warbaahin Dhex-dhexaad ah

Ilaalada Gaarka ah ee Ra’isul Wasaare Kheyre oo la geeyay Kismaayo (Daawo Sawirada)

Magaalada Kismaayo ee xarunta KMG ee maamulka Jubbaland waxaa gaaray Wafdi horu dhac u ah Ra’isul Wasaaraha Xukuumada Soomaaliya Xasan Cali Kheyre oo lagu wado in magaaladaasi gaaro.

Garoonka Diyaaradaha magaalada Kismaayo waxaa maanta ka degtay diyaar gaar ah ay la socdeen xubno katirsan Xafiiska Ra’isul Wasaaraha iyo sidoo kale ciidamada gaarka ah ee ilaaliya Ra’isul Wasaare Kheyre.

Ilaalada Ra’isul Wasaare Kheyre ayaa ahaa kuwa aad u hubeesan, waxaana lagu wareejiyay gaadiid dagaal oo ay adeegsan doonaan inta uu Ra’isul Wasaaraha Soomaaliya safarka ku joogo magaalada Kismaayo.

Safarka uu ku tagayo magaalada Kismaayo Ra’isul Wasaaraha Soomaaliya ayaa kusoo aadaya xili in mudo ah uu xumaa xiriirka dowlada federaalka iyo Maamulka Jubbaland balse dhawaan wadahadalo hoose oo dhacay labada dhinac isku soo dhawaadeen.

Please follow and like us: