Salaan Media - Warbaahin Dhex-dhexaad ah

TIRADA DHALINYARO LAGU GURAY XABSIGA GABILEY IYO MUDAHARAAD AY KALA HORTAGEEN MADAXWEYNE MUUSE OO LOO SABABAY

Hargaysa (Salaanmedia.com)_ Xildhibaan Mustafe Sayid Abokor oo ka tirsan Xildhibaanadda Golaha Deegaanka Degmadda Gabiley ayaa sheegay in Kooxo dhalinyaro ah loo xidh xidhay muddaharaad uu hadda uun maayarkoodu ka hadlay oo Todabaadkii hore ka dhacay Gabiley kaasi oo uu Xildhibaanku sheegay in Warbaahintii soo duubtay maalintaasi la xidh xidhay islamarkaana umadda laga qariyay balse imika uun uu maayarku sheegay in kooxo dhalinyaro ah arinkaasi loo hayo.

Dhalinyartan ayaa sida la sheegay waxay Taajiro ku gubeen Inta u dhexeysa Gabiley Iyo Kalabaydh ee Galbeedka Magaaladda Gabiley isla wakhtigii Uu Waftigii Madaxweyne Biixi U Baxayay Boorama. Dhalinyartan ayaa Mudaharaadankan ku muujiyay sida ay uga xun yihiin Dhakhtar weyn oo Mihiim ah oo

Dawladda Jabuuti ka dhistay Gabaydh kaasi oo ay Albaabadu u xidhmeen kadib markii ay Xukuumaddani dayacday.
Dhalinyartan ayaa loo dhaadhiciyay Jeelka Madheera iyada oo aan wax maxkamad ah la saarin waxaanay arintaasi buuq iyo cadho ka abuurtay Guud ahaan Gobolka Gabiley oo aad loola yaabay sababta dhalinyartaasi oo aanu wax dambi ah ku cadaan islamarkaana loo soo xidh xidhay mudaharaad salmi ah oo ay sameeyeen loogu dhaadhiciyay jeelka madheera oo lagu yaqaano in la xidh xidho dadka xukun u dhaco.

Please follow and like us: