Salaan Media - Warbaahin Dhex-dhexaad ah

Theresa May: “Lama aqbali karo hadalka isir naceybka ah ee ka soo yeeray Trump”

Ra’isal Wasaaraha Britain Theresa May ayaa cambaareysay hadalka Madaxweynaha Mareykanka Donald Trump uu ku weeraray haweenka ka tirsan aqalka Kongreska Mareykanka.

Haweenkan ayaa kala ah Alexandria Ocasio Cortez, Rashida Taib, Ayanna Pressley oo ku dhashay Mareykanka iyo llhaan Cumar oo Soomaali ah, oo Mareykanka qaxootinimo ku tagtay iyadoo 12 jir ah, iyagoo matala dhamaantood Xisbiga Dimoqraadiga.

Trump ayaa sheegay in haweenkan ay ka soo jeedaan dalal fashilmay, loona baahan yahay iney ku laabtaan dalalkooda, waxna ka qabtaan dhibaatooyinka ka jira.

Raisal wasaraaha Britain ee xilka ka sii tageyso ayaa hadalka Mr Trump ku tilmaantay mid aan la qabali karin oo ay ka muuqato cunsuriyad.

Hadalka Trump oo cambaareyn kulul caalamka looga soo jeediyey ayaa lagu tilmaamay inuu cunsuri yahay, uuna ka duwan yahay hadalladii cunsuriyadda ee horay looga bartay.