Xisbiga Himilo Qaran uu hogaamiyo Madaxweynihii hore ee Soomaaliya Sheekh Shariif Sheekh Axmed ayaa dacwad ka dhan ah Xukuumada Soomaaliya u gudbisay Maxkamada sare ee dalka.
Xoghayaha Warfaafinta Xisbiga Himilo Qaran Senator Ilyaas Cali Xasan oo Warbaahinta kula hadlay Warbaahinta ayaa shaaciyay in Maxkamada sare ee dalka u gudbiyeen dacwad ka dhan ah Xukuumada Soomaaliya.
Waxa uu sheegay Senator Ilyaas in dacwada ay ka gudbiyeen Xukuumada Soomaaliya ay salka ku heyso is hortaagii Xukuumada ku sameesay Madaxweynihii hore ee Soomaaliya Sheekh Shariif Sheekh Axmed xili uu kusii jeeday magaalada Kismaayo.
Senator Ilyaas Cali Xasan ayaa sheegay in Xisbiga go’aansadeen in dacwad ka gudbiyaan Xukuumada Soomaaliya maadaama iyadu bixisay amarkii sharci darada ahaa ee Sheekh Shariif loogu diiday in uu Kismaayo ku tago.
Dowlada Soomaaliya ayaa dhawaan xayirtay diyaarad Sheekh Shariif geyn laheyd magaalada Kismaayo oo qorshuhu ahaa in uu u tago Caleemo saarka Madaxweynaha Jubbaland ee dowlada aysan aqoonsaneyn.
