Daawo Sawirada: Sida Quruxda badan ee Muqdisho loogu soo dhaweeyay R/Wasaaraha Itoobiya..June 15.18
Waxaa saakay magaalada Muqdisho booqashadii ugu horeesay ku yimid Ra’isul Wasaaraha cusub ee dalka Itoobiya Abiy Ahmed iyo Wafdi balaaran uu Hogaaminayay.
Madaxweynaha Soomaaliya Maxamed Cabdulaahi Farmaajo iyo Masuuliyiin kale ayaa garoonka Diyaaradaha Aadan Cadde kusoo dhaweeyay Wafdiga uu Hogaaminayay Ra’isul Wasaaraha Itoobiya .
Wafdiga Ra’isul Wasaaraha Itoobia oo loo galbiyay xarunta Madaxtooyada Soomaaliya ayaa halkaasi kulamo xasaasi ah kula qaatay Madaxweynaha Soomaaliya Farmaajo iyo Masuuliyiin kale.
Madaxda labada dowladooda ayaa kulankooda uga hadlay arimo badan ay ugu muhiimsanaayeen xoojinta xiriirka labada wadan iyo sidii dowlada Itoobiya uga taageeri laheyd dowlada Soomaaliya dhinacyo kala duwan.
