Casho sharaftaas waxa ka qeyb gallay masuuliyiinta West London Somaliland Community. Cashadan waxa ay ujeedadeedu aheyd in Frieda Van Gyer laggu guddoonsiiyo shahaado sharaftii ay ku guuleysatay madaama ay dalka ka maqneyd markii munaasibada awards-ku dhacday isla markaana ay Iqbal Farah oo ay asxaab yihiin u qaaday. Marwo Frieda Van Gyer oo asal ahaan kasoo jeeda dalka Switzerland laakiin daggan dalkan Ingiriiska, ahna gabadh umuliso ah (midwife) oo hawl gab ah (retired), waxa ay tagta Somaliland sanad walba si ay u gacan siiso dhakhtarka weyne Hargeisa qeybtiisa umulaha oo ay markaas ka qeyb qaadato sare u qaadida aqoonta umulisooyinka dalkeena Somaliland.
Waxa halkaas ku guddoonsiyay shahaado sharaftii ay ku guuleysatay gudoomiyaha West London Somaliland Community mudane Iman Mohamed Isse. Casho sharafta waxa kaloo kasoo qeyb gashay marwo Faadumo Saciid, xoghaya dhaqaalaha ee xisbiga UCID. Cashadaas oo si qurux badan u dhacday waxa urur jaaliyadeedka West London Somaliland Community aad ugu mahad naqayaa muwaadinada Iqbal Farah oo soo qaban qaabisay.
