Manchester United Oo Kooxda Man United Iilka Leekaysiiisay, Cadhada Van Gaal, Rayn-raynta Manuel Pellegrini iyo Kaalmaha Ay Kala Shaqaysteen Labada Kooxood (Sawiro)
Kooxda Manchester City ayaa caawa laba is le’eg u kala goysay dhigeeda Manchester United ka dib markii ay iskaga hor yimaadeen ciyaar aad u xiiso badan
Ciyaarta oo ka dhacday Garoonka kooxda City ayaa qaybtii hore lagu kala nastay barbaro 0-0 ah
Ciyaarta markii dib la isugu soo laabtay isla markaana labada kooxoodba ay la soo tashadeen tababareyaashoodii ayay daqiiqadii 63-aad kooxda City jiibta iyo jaanta isla heleen, waxaana u suurtogashay in ay la yimaadaan goolkoodii koowaad, kaas oo uu si qurux badan shabaga ugu hubsaday ciyaaryahan Sergio Aguero.
Natiijada ciyaarta ayaa noqotay mid ay kooxda City ku hogaaminayso 1-0, waxaana
ay labada kooxoodba tahli waayeen in ay goolal kale iska dhaliyaan, sidaas ayaanay ciyaartu ku soo dhamaatay.
Ciyaaryahan Chris Smalling ayaa kaadhka cas loo taagay, ka dib markii uu laba khalad galay halka ciyaaryahan Daley Blind isna kaadh digniin ah la siiyay
Dhinaca kooxda City ciyaaryahanada kala ah Martin Demichelis, Pablo Zabaleta iyo Fernando ayaa looga taagay kaadhka huruuda ah, waxaanay kooxda City dib ugu soo laabatay kala saraynta iyo waliba tartanka horyaalka dalka Ingiriiska, waxaanay ku jirtaa kaalinta 3-aad waxaanay haysataa 20 dhibcood, halka kooxda Manchester United ay dib ugu ruqaansatay kursigeedii halka hoose uga yaalay horyaalka dalka Ingiriiska iyada oo ku dhacday Kaalinta 9-aad, waxaanay uruursatay dhibco gaadhaya 13 keli ah
