Turkiga oo sheegay in wadahalka Somalia iyo Somaliland ay soo celin doonaan midnimadii Somaliweyn
“Waxay markale ku kulmayaan muddo 90-maalmood gudahood magaalada Istanbul” sidaasi waxaa yiri Ra’isul wasaare Rajab Dayib Erdogan oo si taxadir leh ugu hadlay wadahadalada dhinacyada Soomaalida, wuxuuna intaasi ku daray inay mideynayaan dowladda Soomaaliya iyo maamulka Somaliland isagoo rajo ka muujiyey inuu miro dhal noqon doono wadahalka.
Shirkii todobaadkii hore ka dhacay dalka Turkiga ayaa qorshahiisa ahaa in si toos ah looga hadlo arrimaha siyaasadeed, hase ahaatee dhinacyadii ka qeybgalay ayaa isla meel dhigay in dib loo dhigo arrimaha siyaasadda gaar ahaan dhinaca qadiyadda, waxaana warmurtiyeedkii laga soo saaray lagu koobay iskaashi dhinacyadaasi dhexmara kadib in la guda geli doono wixii siyaasadda khuseeya mudda 90 cisho ka dib.
Dowladda Turkiga iyo Imaaraadka carabta ayaa dedaalo badan ku bixinaya sidii la isugu soo dhoweyn lahaa eowladda Soomaaliya iyo maamulka Somaliland oo doonaya inuu ka madax bannaanaado Soomaaliya inteeda kale, inkastoo ay dowladaha caalamkuna ku dedaalayaan sidii ay u mideyn lahaa dhinacyada Soomaaliya.
Salaanmedia/Mogdisho
