Salaan Media - Warbaahin Dhex-dhexaad ah

Daaman la qabto goortay egtahay…26 / 6 / 13

26 / 6 / 13

Daaman la qabto goortay egtahay

MOHOLIN

——  ———-  ———–   ———-

Madaabaco waxaan diranayn galena deel qaafe

Shaydaan dirkiisana ma noqon uu dukaansada,e

Bal se shacab wax diiq kaga jiraan daahirshaa abide

Maantana darkii ugu habboon yaan idiin dariye

.

Wixii dana isdiidsiiyay baa taalla door jabane

Dadka wixii addhaxal siisayba duugga aad heliye

Dareenkuba hadduu manta yahay aan dibloo noqonin

Doraatiyo wixi dhacay noqdaan yeelko dedafaysan

Wakhtigaa degdegayoo dhakhsaha waa isdabaroore

Denbigaad gashaa waa beriba deyr kusoo xidha,e

.

Durduradu qofkay jiida tee qoola dabin kiisa

Dakharada aygaadhsii sabaan jirin daweynteede

Dabala qabto goortay egtahay kii doc uga leexda

Daba la qabto inaanay lahayn baan ka diga yaaye

Daacadday ku wada naaxaysaa ducana toos taaye

Dibno iyo calool kala fogbay dumini taalaaye

.

Waa adhijir deleb keeda ee iidil yay dhimanin

Yay karaama wada daadanoo duraygu saamaynin

Dacalada anaa leyli dhigay cuurka yay daminin

Duuduub ayaa lagu liqee ka badi deelal yay dhalinin

Ku dirqiya ayay noqon wixii uu jidhkuba diiday

Danigii run yuu noqoninoo malabku deebaaqin

Digo aasan yuu xaalku noqon olol ka doonaysa

Dibi muu udhalan oo ma jiro ruux dakaan galaye

Yaan dulqaad ka khalad loo fahmine waa dabciga qaare

Inaanuu derbiga gaadhin baa aan ka digayaaye

.

Daadaha caruureed nin weyn kuuma soo duda,e

Damaq iyo xaanuun bay ku tahahay kuu darraansha ahe

Ku dayaa haligayqaar horoo maray dariiqaase

Haddii aan udaadego dhankale rogo dabool keeda

Tusmo dooran iyo xoola badan niman udoonyay san

Oo dadab dhig ugu soo fadhiya meel duleedada ah

Waxa aan dareen siina yaa deris laxaad weyne

Inay dirirti weli taagan too deginba reer keenu

Daaqadaa rag soo tuban yihiin kugu ah duulaan ka

Dabaabadiyo suugana ku yidhi dunida noo keena

.

Yaa difaaca kuu noqon hadday kala dab jee xayso

Yaa difaaca kuu noqon haddii ay dudmadu taallo

Yaa difaaca kuu noqon hadday doonta waada raacdo

Yaa difaaca kuu noqon hadday dooxa wada jiifto

Yaa difaaca kuu noqon haddii laysba wada dayrshay

Dhadhaaradu hadday kala durkaan quudki dacarawye

Dibjir iyo hadday wada noqdaan caydha dubayawday

Yaa difaaci daxal kaa kusudhan ducufka aan quusan

.

Yaa difaaci dihin kaa irmaan lagu dul gaajooday

Yaa difaaci daaq raadisbaa loo digtoor Yahaye

Yaa difaaci dulmiga naafadaa dilayba moo raale

Yaa difaaci  doobkeedi noqoy kaan daryeel qabine

Yaa difaaci laac daadsan bay wada duljoogtaaye

 

MAXAMUUD CISMAAN ( MOHOLIN )




Leave a Reply