London (SM)-Maanso yahanada Naciima Aar ayaa soo bandhigtay maanso ay suaalo ku weydiineyso Xukuumada Kulmiye ee uu Hogaamiyo Madaxweyne Axmed Siilaanyo.
Maansadani waxay la hadlaysaa Mr Xirsi Wasiirka Madaxtooyada Somaliland, Waa dadkii Reer Somaliland oo hadlaya, ka doodaya aayahooda, isweydiinayana: Ka ay darajo iyo xilba u oggolyihiin?ee aan lahayn iin sumcadxumo amma mid karti li?ineed?oo Somaliland dib u qotomin kara; oo aan qabiil soo dhaweysan haynin; oo ka dibna dadkii ku soo
celin kara hadhkoodii, kala tagganaanshahoodiina meesha ka saari kara. Waa mid markaa ay dadku ku kalsoonyihiin daacadnimadiisa, rabaanna inuu asagu u hawlgalo wax qabadka Dalka Somaliland iyo Dadkiisaba. Blas? suaa?shu WAXAY tahay akhristow KULMIYE IYO DAWLADDA MADAXWAYNE SIILAANYO SHURUUDAHAN MA BUUXIN KARAAN??
Halabuurka dadkiisa
dibindaabyo qarsooniyo
halista wawga digaaye
nimaan maanta dalkiisa
dabka uu ka huraayo
xal u dooni karayn
darajo noo qaban maayee
XIRSIYOOW WAXBA hays DAALIN
Ummadu waa isa soo dishoo
daxalaysatay laabtuye
isu doo dumiddeeda
diciif aanan awoodin
darajo noo qaban maayee
XIRSIYOOW WAXBA hays DAALIN
Inta gaajo darteed
daadsan oo socon waydiyo
dadweynihii ku curyaamay
dagaallo aan xaq ahayn
ninka aysan damqaynin
daryeel say u hellaan
darajo noo qaban maayee
XIRSIYOOW WAXBA hays DAALIN
Dambiile dhiigga dadeed
daadiyoo u qasdoo
dakanooyin xambaasanoo
eedi ay daba joogtana
darajo noo qaban maayee
XIRSIYOOW WAXBA hays DAALIN
Dad intuu hor yimaaddo
nimaan dood wax ku ooliyo
hadal deeqsiin karayn
damman oo jilicsanoo
darajo noo qaban maayee
XIRSIYOOW WAXBA hays DAALIN
Damaaci aan waxba deeqinoo
dhuuntu ay u dalooshoo
dagdag xoolo u yeelo
dubaaqiisu ka buuxona
darajo noo qaban maayee
XIRSIYOOW WAXBA hays DAALIN
Danu hadday ka dhaxayso
dadku waa ka shiraaye
digtatoor keligii
wuxuu doono falaayana
darajo noo qaban maayee
XIRSIYOOW WAXBA hays DAALIN
Dalkeenni waa burburoo
dooc inooma fayoobee
dib inuu u dhiso
nin ka daahan aqoontoo
ka daboolan adduunkana
darajo noo qaban maayee
XIRSIYOOW WAXBA hays DAALIN
Nimaan daacad ahaynoo
la yaqaanno duntiisoo
qalbiguu daxalaysoo
qabiil daaddihinaayana
darajo noo qaban maayee
XIRSIYOOW WAXBA hays DAALIN
Haddaba waxan doonaynaa
dadku nimu u siman yahay
dar Alliyo nin daacada
dulmi-diid caddaalada
dadaal-badane hawl kara
lagu diirsay geesiya
faxal iyo nin deeqsiya
samir iyo dulqaadba leh
damiir lagu xishoodo leh
dareenkii waddaniga leh
diintana quweyn kara
ayaa darajo Somaliland U qaban kara
duco iyo kalsoonina
waan ugu sii daraynaa!!!
KULMIYE MA BUUXIN KARAA SHURUUDAHA KOR KU XUSAN JAWAABTA WAXAAN U DAYNAYAA SHACABKA REER SOMALILAND.
