Taageerayaal Tiro Badan Oo Ka Soo Jeeda Bariga Burco Oo Ku Biirey Xisbiga Wadani
Burco 22/01/2014(Salaanmedia.com)-Cuqaal,Waxgarad,Dhalinyaro iyo haween kasoo jeeda Beesha
Bariga Burco oo ka digarogtay Xisbiga Kulmiye ayaa si rasmi ah ugu biiray Maanta Xisbiga Mucaaridka ah ee Wadani.
Xaflad balaadhan oo taageerayaashan Xisbiga waddani u Qabtay,taasoo ka
dhacday Hotel Deero ee magaalada Burco ayaa waxaa kasoo qaybgalay
Madaxda Xisbiga wadani oo uu hogaaminayo Gudoomiye ku xigeenka koowaad
ee xisbigaasi Axmed Muumin Seed, xildhibaano ka mida Golaha Wakiillada
oo Xildhibaan Rayte horkacayo iyo siyaasiyiin kale.
Gudoomiye Ku Xigeen Xisbiga wadani Axmed Muumin Seed oo Xafladaasi ka hadlay,Waxaanu soo dhaweeyay Taageerayaasha cusub Hadaladiisa waxaa ka Mid ahaa.
“Aad baan idiinku faraxsahay marhadii aad nagu soo biirteen Beeshiina
Barigu awalba Xisbiga waa ku jirteen maantana cududiina waanu
aragnaa,Xisbigan waxaad ka helaysaan Cadaalad oo maanta lag bilaabo
waynu u simanahay oo cidna lagama laha ee waa loo simanyahay”ayuu yidhi
Axmed Muumin Seed”
Xoghayaha Qorsheynta ee Xisbiga Waddani C/rashiid Riyaraac oo Xafladaas
ka hadlaya ayaa Dawlada ku dhaliilay wadahadalada ay la leedahay
soomaliya, isagoo dhanka kale Taageerayaasha soo dhaweeyay.
“Taageerada Bariga Burco ee Xubnaha Muhiimka ah ee xisbigan kusoo
Biirtaya waanu soo dhawaynaynaa Farxad gaar ah bay ii tahay,Kulmiye in
badan baa loosoo saqeeyay oo tacab badan baad soo galiseen Balanqaad
badan buu sameeyay,wixii la balan qaaday lama hayo,waxaan leeyahay
Xukuumada Markhaati ka noqonmayno in uu Wasiirka Qorshayntu yidhaahdo
Sideed iyo Tobankii Gobol ee Soomaaliya ayaa dadka lagu diiwaangalinayaa
aad ka mid tihiin,Markhaati ka noqnmayno oo yeeli mayno waxa turkiga
laga wado ee a in shalay la saxeexay in wax walba laga wadahadlo oo ay
ka mid tahay Gooni isu taagii Somaliland,Heshiisyadan iyo xaquqalinkan
ay dawaldu qaadanayaso ee shirkadaha la keenayo,waligiin miyaad aragteen
dawalda tidhaahda xaquqalin baanu qaadanaynaa,waad ogtiin dekadeenii
iyadaan cid lagala tashan in lasoo saxeexayo maxaa lagu
qaadanayaa,dhegysan mayno heshiis aan baarlamaan la gayn,Saaka waxaa
hadlayay madaxwaynihii Somaaliya waxa uu yidi Midnimada Somaliaya waa
muqadas Turkiga waxa laga wadaana waa Muqadas wax intaas ka sokeeya oo
laga wada hadlayaana ma jiraan,inagana qoladeenii intay soo noqotay bay
yidhaahdeen meeqaam sare ayaa nalagu soo dhaweeyay”,
Xildibaan Jaamac Xasan Aadan ,Xil.Rayte,Xildh.Xuseen Cige,Xoghayaha Guud
ee Wadani,Xasan Xuseen,Dr-Fadal,Agaasimihii Hore ee Ciyaaraha
Mr-Mustafe,Hinda iyo madaxkale oo Xisbiga ka tirsan ayaa dhamaantoodba
soo daweeyay taageerayaashan kusoo biiray Xisbiga wadani,waxaanay
sheegeen inay guul wayn u tahay Xisbiga.
Oday Cabdi Maxamuud Qaloonbi (Cabdi Cago) Yuusuf,Muj: Cawl,Aamina
Saado,oo ku hadlayay Tageerayashii iyo Madaxdii kusoo Biiray Xisbiga
wadani ayaa dhamaantoodba sheegay ina xisbigan ay kusoo digarogteen ay
awood iyo dedaalba isla barabar taagi doonaan kuna kalsoonyihiin inay cadaalad ka helaan.
Xisbiga Kulmiye ee ay Taageerayaashu ka soo guureen, ayaa Khilaaf
ragaadiyay qabsoomida shirweynihiisii 3-aad oo saddex jeer dib u dhacay
ilaa dabayaaqadii sanadkii hore
Taageerayaashan Ayaa Noqonaya Kuwii Uugu Badnaa Ee Ku Soo Biira Xisbiga Wadani Qaybtiisa Gobolka Togdheer.
(Ing Laaqalo)
