(Salaanmedia.com)-Gadhle: Madaxweyne Siilaanyo (Xirsi), waan ku bariidiyay. Maanta ma isu kaa sheegaa?. Meelo dhawr ah waynu isugu nimi, aqoon gaar ahi inagama dhexayso sidaas awgeedna i garan meysid!
Gaatame: Salaantu waa faral, si gobeed ayaan kaaga guddoomay. Muxuu ahaa yarkaagan aanan arag ee anigana guurti-aas igu sheegay, Gacantayda midigna ammaanay. Garasho-dheerida xeerbeegtida dheddig waxa kuugu filan in kun jeer la yidhi “dalka xaawalay iyo gambo-jeeliye ayaa ka taliya”. Iyaga ayaa iga xus, xurmo, xikmad, xeerin iyo laab-xaadhniba iga badiya
Nin goba oo guurtida u roon ayaan ahay. Waa kuwii aan u qabsoomay markii siddeetanka cod ee xaaraanta ah la igaga helay doorashadii dhacday 14/Abril/2003dii. Waa kuwa marka aan maqlo in ay geeriyoodeenba aan aan aas-qaran ugu gurmado. Waa kuwo aan muddo-kordhinta ka xodxodanayo. Waa kuwa aan markayga ku shaqaysanayo. Kama aan bixin weedhii iyo wacadkii aan u sheegay Mujaahid Ibraahin Cabdillaahi Xuseen (Dhegaweyne). I liqsii qofka aad tahay kollay ciyaalkii dhashay markii aan ahaa Guddoomiyaha SNM ayaad u eegtay. Mooyi wax bidaarta kaa soo saaray. Xirsi miyuu ku garanayaa, isaga ayaa ii caqli ahe?. Ta kale waa maxay shahaadadan lagu siinayaa ma taageerayaashii KULMIYE ayaad tahay.
Gadhle: Adeer si wanaagsan ayaa xeyndaabka guwaantannaamo la iiga yaqaannaa. Beryahaa ma soo gaadhine waxa iigu dambaysay 26kii Mey, 2013ka. Adigoo hurda waan imi dhawr jeer oo Wasiir Cukuse ayaan la socday, dhambaallo aan Gabbal-daye kuugu dhiibayna in aad diidday, ka gaabsatay oo ay kuu cuntami waayeen ayaan xogta ku helay. Inaad guurti-aas tahay ayaan xaqiiqsaday, aniguna Ilaahay kaddib waxa aan tixgeliyaa gadh-caddeyaasha illaa 1984kii kula garab-taagnaa xallinta khilaafaadka iyo ergada nabadda.
Malaha toos iima garan kartide aan tilmaamo ku siiyo, kollay ragga ii macallimiinta ah ayaad yar xasuusan kartaa. Bal eeg duruusta aan dhigtay iyo bareyaasha ku suntan:
