Kooxaha halista ah Ee cunsuriga ah Ee Naasiyiinta Cusub oo faro ba’an ku haya ciyaaraha Adduunka!
Baaqii FIFA ee ku aadanaa cidhib-tirka cunsuriyadda iyo isla waynida ku dhisan ayaa dhego awdan ku dhacay. Guddiga la dagaallanka midab-takoorka ee FIFA yaa Khamiistii soo weriyay inay jiraan astaamo muujinaya cunsuriyad ama waxa loo yaqaanno naasiyiinta cusub (neo-Nazi) oo ka sooo daahiray kulamadii ay ciyaareen Ruushka iyo Croatia. Maalintii doraad ahayd ayayse masraxa la soo koreen aragtidooda, kadib markii uu midkood ooda soo jabsaday isagoo soo galay ciyaartii Ghana-Germany, iyadoo ay la yaab ahayd inaan kooxihii amaanka nidaaminayay aanay ka hortegin wuxuuna soo dhex istaagay garoonka ka hor intaanu bannaanka u gelbinin laacibka Muslimka ah ee khadka dhexe uga ciyaara Ghana & AC Milan Sulley Cali Muntari. Waxay sida la hubo u muuqataa in kooxaha ay amaanka u igmatay FIFA ay wax badan ka qaban karaan inay garoomada ka celiyaan oo ay banaanka ku horaan dadka u imanaya inay faafiyaan nacayb ay xikmad ku fadhiyin sida kuwa aad sawirka ka aragto oo ka mid ahaa taageerayaasha Jarmanka oo kulankii Ghana wejiga soo madoobaystay iyagoo u duur-xulayay xulka Ghana