Gudd. Xisbiga KULMIYE Oo Bahda Saxaafadda Ka tacsiyadeeyey Geerida Maarihii Wargeyska Ogaal, Kuna Tilmaamay Shaqsi lagu xasuusan Doonno Ururinta Xogihii Halgankii SNM
Hargeysa, (Salaanmedia.com)- Guddoomiyaha Xisbiga Muxaafidka ah ee KULMIYE, Muuse Biixi Cabdi ayaa bahda saxaafadda Somaliland ka tacsiyadeeyey geeriyada ku timi Maareeyihii Wargeyska Ogaal Cabdi-weli Faarax Jaambiir oo maanta lagu aasay Xabaalaha Naasa-hablood ee magaalada Hargeysa, kadib markii uu shalay gelinkii danbe ku geeriyooday. Muuse Biixi Cabdi waxa uu ku tilmaamay Marxuum Cabdi-weli in lagu xasuusan doono sida uu u ruuriyay xogaha laga hayo Sooyaalkii halganka SNM,Sidaana waxa lagu sheegay War-saxafadeed uu ku saxeexan-yahay oo maanta nuqul ka mid ahi soo gaadhay Xafiiska Shabakada Hayaannews.com ee Magaalada Hargeysa Gudoomiyaha Xisbiga Kulmiye Md Muuse Biixi Cabdi isagoo ku hadlaya magaciisa,Gudida fulinta , Golaha Dhexe iyo dhamaan xubnaha iyo taageerayaasha xisbiga kulmiye wuxuu Tacsi tiiraanyo leh u dirayaa Eheladii, qaraabadii,asxaabtii,bahda Saxaafadda iyo dhamaan shacbi waynaha Somaliland ee uu ka baxay Marxuum C/wali Faarax Jaambiir,wuxuu marxuumku qayb libaaxa ka soo qaatay halgankii dibu-xoraynta dalka, isagoo lagu xasuusan doona inuu ka mid ahaa shaqsiyaadka fara ku tiriska ee duubay xogaha laga hayo sooyaalkii halganka. Gudoomiye Biixi wuxuu Alle uga baryayaa marxuumka inuu u naxariisto dhamaanteena samir iyo iiman inaga siiyo. Aamin Aamin Aamin