Kooxda kubadda cagta Chelsea ayaa ku guuleystay koobka League Cup markeedii shanaad, kaddib markii ay 2-0 kaga adkaatay Tottenham Hotspur, ciyaartii final-ka ahayd ee ka dhacday garoonka xulka qaranka Ingiriiska ee Wembley.
Goolasha ay Chelsea ku adkaatay waxa ay ka kala heshay labadii qeybood ee ciyaarta kabtan John Terry iyo Diego Costa.
Tababare Jose Mourinho koobkan waa koobkii ugu horreeyey ee uu la qaaday Chelsea tan iyo soo laabashadiisa, sidoo kalena waa koobkiisii 7-aad ee uu u qaado kooxda Chelsea iyo koobkiisii 21-aad ee xiddigiisa uu ku guuleysto macallin Mourinho.
Waa markii shanaad oo ay Chelsea ku guuleysato League Cup waxaana ay horay u qaaday koobkan xilli ciyaareedyadii 1964–65, 1997–98, 2004–05, 2006–07 iyo kii shanaad ee ugu dambeeyeyna oo caawa qaaday 2014-15.
Haddaba halkaan hoose ka eeg dabaal degga wiilasha Chelsea ee koobka League Cup:-
