Howlgalka ciidamada Maraykanka ee Afrika (AFRICOM) ayaa shaaca ka qaaday iney mar kale ciidamo u soo direen Somalia si ay uga qeyb qaataan xoojinta amniga iyo la dagaalanka waxa loogu yeeray argagaxisada.
Maraykanka ayaa ala baxay bishii hore ku dhowaad kun askari oo muddo dheer ka joogay Somalia ka dib amar uu bixiyey madaxweynihii xilka ka degay ee Maraykanka Trump
Hase ahaatee Jennifer Mykins oo ah agaasimaha howlgallada taliska AFRICOM ayaa sheegtay iney diyaar u yihiin gacan siinta saaxiibadooda Soomaaliya, ayna doonayaan iney ka hor tagaan khataraha taagan.
Ciidamadan Maraykanka ah oo aan tiradooda la shaacin ayaa kasoo duulay saldhig ay ku leeyihiin magaalada Vicenza ee dalka Talyaaniga, iyagoo Soomaaliya ku soo jeeda.
“Inkastoo aan dhowaan dib u celinay Ciidamada Mareykanka ee joogay Somalia haddana dib u soo celinta ciidankan waxay muujineysaa wada shaqeynteena DF iyo inaan ka falcelino duruufaha dhanka Amniga iyo badqabka shaqaalaha Mareykanka” ayey tiri Jennifer Mykins
Ilaalinta xarumaha diblomaasiyiinta, Gargaarka, hawlgallada Militari, la shaqeynta taliska Mareykanka ee AFRICOM, Saaxiibada Soomaaliya iyo ilaalinta shaqaalaha Samafalka sida ay sheegtay Jennifer Mykins.
