Mayorkii hore ee magaalo Ganacsiyeedka Somaliland ee Tog-wajaale,Mujaahid,Eng. Adan Muse Cilmi (Adan Shiine),oo hambalyo iyo bogaadin u diray Madaxweynaha Jamhuuriyada Somaliland,Mudane,Mujaahid,Muse Biixi Cabdi,xisbiyada Qaranka,Komishanka,labada Gole Qaran iyo shacabka Somaliland

Ex-Mayor,Mujaahid,Eng. Adan Shiine,” Waa maalin taariikhiya,waa maalin ay aad ugu diirsadeen inta jecel wanaaga iyo  jiritanka Somaliland, ee naftoodii iyo maalkoodiiba u soo huray Gobanimada aynu maanta ku naaloonayno.Waa maalin ku suntan geedi socodka Dimuqraadiyada ee Jamhuuriyada Somaliland ka hana qaaday,waxaanay ka nixisay,dhinbiil dab ahna ku no qotay,Cadawga gudaha iyo ka dibada,ee neceb jiritaanka,Qaranimada & horumarka Somaliland.

Waxaan aad ugu diirsaday khudbadii taariikhiga ahayd,ee madaxweynaha Jamhuuriyada Somaliland,mudane,Mujaahid,Muse Biixi Cabdi,uu ka jeediyey xuska 27-aad ee aasaska Ciidanka Qaranka Somaliland,ee fariimaha is barkan xanbaarsanayd,ee  uu ku  hoga tusaaleeyey inaynu nahay Qaran isku tashad ay,dhalasho iyo dhiigba wadaaga,cidnabana aan gacmaha u hoorsanayn,aan ahayn Allaha kownkan abuuray,ee isaga ay wax walba gacantiisa ku jiraan.

Anigoo fursadan ka faaiidaysanaya ,waxaan Hambalyo u dirayaa Ciidanka Qaranka ee Jamhuuriyada Somaliland,oo u dabaal degay xuskii 27-aad ee aasaas koodii,muujiyeyna inay yihiin Ciidan aan Cadawgu marnaba soo haybsan karin,ahna kuwa habeen & maalin heeganka ugu jiran inay sugaan, oo ilaaliyaan Nabada,Karaamada & Qaranimada Somaliland….Guuleysta walaalayaal meel aad joogtaanba.”

Ugu danbewyntii ,Mayorkii hore ee magaalo Ganacsiyeedka Somaliland ee Tog-wajaale,Mujaahid,Eng. Adan Muse Cilmi (Adan Shiine),waxaa uu u duceeyey Madaxweynaha Jamhuuriyada Somaliland,Mudane,Mujaahid,Muse Biixi Cabdi,waxaanu Allah awood leh uga baryey,inuu xilka uu Rabbi u dooray,ku asturo,u fududeeyo,ku garab galo,kuna guuleeyo Aqoonsiga Somaliland,dalka iyo shacabkana uga tago dhaxal lagu xasuusto,oo aan abid ka duugoobin.