Dowlada federaalka Soomaaliya ayaa si kulul u canmbaareesay qaraxyo arday badan lagu laayay oo ka dhacay banaanka iskuul weyn oo kuyaala magaalada Kaabul ee caasimada dalka Afgaanistan.
War saxaafadeed kasoo baxay Dowlada Soomaaliya ayaa lagu cambaareeyay qaraxyadan lagu laayay ardayda badan ee ka dhacay Afgaanistan, waxa ayna dowlada garab istaag u muujisay dowlasa iyo shacabka Afgaaniustan.
“ Dowladda Federaalka Soomaaliya waxa ay cambaaraynasaa qaraxyada argagixisada ee galaaftay ardayda aan waxba galabsan ee ka dhacay Caasimadda Kaabul ee Dalka Afgaanistaan. Waxa aannu garab taagannahay, murugadana la qaybsanaynaa shacabka iyo Dowladda Afgaanistaan ayaa lagu yiri” Qoralka kasoo baxay Dowladda Soomaaliya.
Qaraxyadan ka dhacay magaalada Kaabuul ee caasimada Afgaanistan ayaa lagu dilay dad ka badan 20-qod oo u badnaa arday halka tiro intaa ka badan ku dhaawacmeen, waxa ayna qaraxyadan ka dhaceen banaanka iskuul kuyaala Kaabuul.
