Salaan Media - Warbaahin Dhex-dhexaad ah

Taalibaan oo la wareegtay ammaanka garoonka diyaaradaha ee Kabul

Taalibaan oo la wareegtay ammaanka garoonka diyaaradaha ee Kabul

.

Qaar ka mid ah xubnaha hoggaanka Taalibaan ayaa la sheegay inay soo gaareen garoonka diyaaradaha ee Kabul, waxayna wariyeyaasha kula hadlayeen dhabaha ay diyaaraduhu ku ordaan.

Wakaaladda wararka ee AFP oo soo xiganeysa afhayeenka Talaibaan Zabihullah Mujahid ayaa yiri: “Hambalyo Afghanistan … guushan annagaa iska leh”. “Waxaan dooneynaa inaan xiriir wanaagsan la yeelano Mareykanka iyo caalamka. Waxaan soo dhaweyneynaa xiriir diblomaasiyadeed oo wanaagsan dhammaanteen,” ayuu raaciyay.

Militariga Mareykanka ayaa soo afjaray daadgureyntii ay ka wadeen Afghanistan, taas oo ka dhigan in uu soo dhammaaday ololihii uu bilaabay George W Bush wixii ka dambeeyay September 11-keedii labaatan sano ka hor.

Madaxweynaha Maraykanka Joe Biden, ayaa soo saaray qoraal kooban oo uu ugu mahadcelinayo dhammaan dadkii ku lug lahaa hawlgalkii daadgureynta ee socday 17 -kii maalmood ee la soo dhaafay, isagoona sheegay ingelinka danbe ee Tallaadada uu khudbad u jeedin doono shacabka reer Mareykan.