Waxaynu daawanay sawirka muwaadin isdel-delay markii uu cunto iyo biyo u waayay. Waxaynu aragnay qoysas gaajo iyo haraad ugu dhintay Bariga Burco. Waxaynu aragnay xoolo cabay dhiiga xoolo kale . Waxaynu aragnay dagaal biyo la’anku dhexmaray doofaaro iyo riyo.Waxa dalkii ku habsaday shuban biyood boqolaal qof u dhinteen. Waxaynu aragnaa sicir barar saamayay danyartii iyo saboolkii.Dhinac kale waxaynu aragnay Marwo Amina Weris oo Hotel casri ah ka qotomisay Hargeisa. Waxaynu aragnaa mucaaradkii, Eng Faysal, oo dilaal noqday “ Broker”. Waxaynu aragnaa Gudd. Sulaymaan oo fasax caafimaad Dubai ugu maqan. Waxaynu aragnaa Madaxweyne Siilaanyo oo aamusay ama la Sixray. Waxaynu aragnaa Col.Muuse Biixi oo Madax-dhaqameedkii dhameel u dhigay. Waxaynu aragnaa Taliye Fadal oo qofkii hadlaba jeelka ku hubsanaya. Ugu danbayn, waxaynu aragnaa Guddidi Doorashada Qaranka oo ku dhawaaqay kaadh-qaybin. Waa kaaf iyo kala dheeri.
Baaq:
1).Waxaan ugu baqaaya Saddexda Xisbi qaran inay joojiyaan Ololaha Doorashada kuna dhawaaqaan dib-u-dhigista doorashada.
2) Waxaan ugu baaqayaa Golaha Guurtida inay dib u qiimayn ku sameeyaan xaalada adag ee lagu jiro , doorashadana dib loo dhigo ilaa May ,2018.
3). Waxaan ugu baaqayaa Madaxweyne Siilaanyo inuu ku dhawaaqo xaalad deg-deg ah dadkana la samata bixiyo.
Drs Hoodo Yusuf, Uk, London.
