Salaan Media - Warbaahin Dhex-dhexaad ah

“Somalia Waxaan U Soo Jeedin Lahaa In Aanay Ku Riyoon Somaliland”

“Somalia Waxaan U Soo Jeedin Lahaa In Aanay Ku Riyoon Somaliland”

May 20th, 2013 

HARGYESA (SM)- Guddoomiyaha Golaha Wakiiladda Somaliland ahna Guddoomiyaha Xisbiga Mucaaridka ah ee WADDANI Cabdiraxmaan Maxamed Cabdilaahi (Cirro) ayaa jawaab ka bixiyay hadalkii ka soo yeedhay Madaxweynaha Somaaliya Xasan Sheekh Maxamuud ee uu ku diray Qaranimadda iyo Jiritaanka Somaliland.

Guddoomiyaha Golaha Wakiiladda Cabdiraxmaan Cirro oo maanta Shir Jaraa’id ku qabtay Xafiiskiisa ayaa Shacabi-weynaha Somaliland uga mahad-naqay siddii waddaniyadda lahayd ee ay uga qayb-qaateen xuska laba iyo laabaatan guuradda dib ula soo noqoshadda qaranimadda Somaliland ee 18 May.

Guddoomiyaha Golaha Wakiiladda Cabdiraxmaan Cirro waxa hadaladiisii ka mid ahaa “Waxa aan ku celinaya ama Madaxweynaha Somalia ha noqdo ama Wasiir Somalia ah ha noqdo ee in aanay arimaha Somaliland mid iyaga u taala ahayn oo ay ka arimin karaan iyaga (Somalia)ayaa looga baahan yahay inay mideeyaan wax Somaliland kaga jirana ma jirto,si cad ayaanu arinta u canbaareyneyna oo wax kasta oo Qaranimadda Somaliland ka soo horjeeda cida ku kacda waanu canbaareyneyna waayo Somaliland waa dal Somalia ka duwan oo gobanimadoodii qaatay marka waxa aanu Qaramadda Midoobay ka codsaneyna inay Ixtiraamto Axdiga iyaga u yaala oo si cad ayay u qeexaysa inay umad kasta xaq oo dawladd iyo Nidaam shaqeynaya lihi ay aaya hooda ka tashan karaan”

Guddoomiyaha Xisbiga Mucaaridka ah ee Wadani Md Cabdiraxmaan Maxamed Cabdilaahi(Cirro) waxa uu intaas ku daray “Xukuumadda Somalia-na waxa aan u soo jeedin-laha in aanay ku riyoonin inay Xukuumadda Somaliland ay qayb ka tahay waxanu dal kasta xaq u leeyahay in uu is daafaco marka lagu soo xad gudbo oo ilaashado Xuduudahiisa,lana hadlo qaramadda Midoobay iyo dawladdaha jaarka la ah,Marka Somaliland dhinac kasta way ka dagaalamaysa runtii mana qabo arimaha ay wadaan inay yihiin qaar ay ku guulaysan karaan runtii oo anigu waxa aanan hubin uun in gabi ahaan lagu wixii lagu heshiiyay burburay balse dhaawac wayni wuu soo gaadhay qodobadii shirkii Ankara ka soo baxay,Somaliland-na inay is difaacdo ayay xaq u leedahay si Diblomaasi ah inay dawlad kasta iyo qaramadda midoobayba la hadasho ayay xag u leedahay waanay sameyneysa sidaasi”

Gddoomiye Cirro oo hadalkiisa sii wata, waxa uu yidhi “Faysal Saaxiib ayaanu nahay mana jecli in aan arintiisa aad ugu dheeraado laakiin Mawqaf kaygu waxa weeyaan in uun wax kasta oo wax u dhimaaya Qaranimadda Somaliland in layska ilaaliyo,aniguna labad xil een isku hayo bal u fiirsada oo tiro koob ku sameeya cid kastaaba laba xil ayay isku haysa waana iska gabo gabo cidii Xiiseyneysaana ha soo diyaar garowdo,in kasta oonan anigu arimaha Somalia xogogaal u ahayn Heshiiskii sida aad aragteen laba dhinac ayuu aha oo ay wada galeen Jamhuuriyadda Somaliland iyo Federaalka ah oo Cali Khaliif iyo Xildhibaano kaleba way saluugeen marka Qolada Somalia waxa aan odhanlaha uun Mooshinadda Xildhibaanadaas iyo Baarlamaankooda Muqdisho ka socdaana iyaga ayay gaar u yihiin laakiin waxa aan filayaa uun inay arintaasi(Mooshinka Muqdisho ka socda) inay Culeys weyn ku tahay Xukuumaddaasi”

Guddoomiye Cirro waxa kale oo uu Shacbi-weynaha Somaliland uga mahad celiyay Sidii Wadanayada lahayd ee ay uga qayb qaateen xuska laba iyo labaatan guuraddii Qaranimada Somaliland ee 18-ka May ee ay u muujiyeen dareenkooda dhabta ah ee gooni isu-taaga Somaliland.

Salaanmedia/Hargaysa




Leave a Reply