Salaan Media - Warbaahin Dhex-dhexaad ah

Soomaalida ka ganacsata Daroogada ee Dalka Canada oo lacago faro badan ku raadinaya filim fadeexad ah(Daawo Muuqaal+Warbixin)

Soomaalida ka ganacsata Daroogada ee Dalka Canada oo lacago faro badan ku raadinaya filim fadeexad ah(Daawo Muuqaal+Warbixin)  

Soomaalida ka ganacsata daroogada ee dalka Canada ayaa waxaa la sheegay inay lacago faro badan ay ku raadinayaan filim fadeexad ah oo muujinaayo duqa magaalada Toront ee dalka Canada oo isticmaalaaya daroogada cocaine.

Soomaalida ka ganacsatada daroogada ee ku nool dalka Canada ayaa waxaa la sheegay inay wel wel iyo walaac ku abuureen duqa magaalada Toronta ee dalka Canada ka dib markii ay qaar ka mid ah warbaahinta ugu waaweyn ee dalka Canada ay la soo xiriireen una soo bandhigeen video muujinaya ayna ku cadaynayaan duqa magaalada Toronto ninka lagu magacaabo Rob Ford oo ka mid ah ayaga oo la joogo ka dibna uu halkaas ku cabaayey xashiishka daroogada cocaine ah , Laba wariye oo ka tirsan wargeyska Toronto Star oo lagu kala magacaabo Kevin Donovan iyo Robyn Doolittle oo daawaday videogaas ayaa sheegay oo isku raacay in waxa ay arkeen uu ahaa duqa magaalada Toronto oo isticmaalaayey daroogadaas, Sidoo kale ayaa waxaa arintaas markii uu maqlay uga soo safray dalka Mareykanka madaxa website Gawker oo asagana markuu daawaday ka dib filimkaas cadeeyey inuu yahay duqa magaalada oo isticmaalaaya daroogadaas, Filimkaan oo ah mid lagu duubay telleefoonka gacanta ayey Soomaalida sameysay waxay ku doonayaan lacag gaareyso ilaa iyo $200,000 oo doolar, warbaahinta soo daawatey filimkaas ayaan iyagu iibsan laakiin websiteka Gawker oo ka mid ahaa dadkii soo daawaday ayaa aqristayaashiisa u soo bandhigay ina la iska uruuriyo lacagtaas si loo soo iibsado filimkaas islamarkaana ay u soo bandhigaan iyadoona ay islamarkiiba ay bilaatay lacag ururintaas oo ayan mareyso meel wanaagsan. 

Ugu danbeyntiina iyadoo duqa magaalada Toronto oo laba sano iyo bar oo qura hayey xilkaas islamarkaana markii horeba lahaa cadowyo badan horeyna dhowr jeer loogu soo jeediyey eedeymo kale duwan ay arintaan dhabar jab weyn ku tahay ayuu asagu uu dafirey gebi ahaanba arintaas jiritaankeeda, Laakiin waxaa durbaba soo baxaayo waxyaabo badan oo cadyn u ah inuu ninkaas xiriir la lahaa Soomaalidaas iyo qolooyinka kale ee ku jira ka ganacsiga daroogada iyadoona sawir ay soo bandhigeen qolooyinkaas uu muuqdo ninkaas oo la taagan qaar ka mid daadka daroogada ka shaqeysta, Booliiska magaalada Toronta ayaan wax hadal ah ka bixin arintaan ayagoona sheegay inay wadaan baaritaan ku saabsan arintaas, Qaar badan oo ka mid ah dadk reer Canada iyo aduunka oo dhan ayaa ka war sugaaya waxa ka soo baxa filimkaas iyo cida iibsata oo u soo bandhigta aduunka iyo inay sheekadaas ay noqoto mid run ah iyo in kale.

Salaanmedia/UK




Leave a Reply