Salaan Media - Warbaahin Dhex-dhexaad ah

Golaha Wakiiladda Jamhuuriyadda Somaliland oo Saaka Ansixiyey Laba Wasiir Ku Xigeen

Hargeysa(SM) Fadhigii Maanta ee Golaha Wakiilada Jamhuuriyadda Somaliland Shir  Gudoominayayna Guddoomiyaha Golaha Wakiilada Mudane C/raxamaan Maxamed C/laahi  ayaa Saaka lagu Ansixiyey Laba Wasiir Ku Xigeen.

 

Gudoomiyaha Golaha Wakiilada ayaa Golaha u sheegay in sida uu sharcigu dhigayo, ay Golaha Shaqadooda ka mid tahay inay ansixiyaan Masuuliyiinta Qaranka ee Madaxweynuhu magacaabo, waxaanus sheegay in Golaha loo soo Gudbiyay laba wasiir kuxigeen si  ay cod ugu qaadaan. Labadan Wasiir  oo kala ah:

  1. Adam Diiriye Cigaal, Wasiir ku Xigeenka Wasaarada Ganacsiga JSL.
  2. Nuur  Cismaan Guuleed, Wasiirk ku Xigeenka Wasaarada Cadaalada iyo Arimaha Garsoorka JSL.

Intaas kadib waxaa uu Guddoomiyuhu ka codsaday Xogahayaha Guud ee Golaha Wakiilada mudane C/risaaq  Siciid Ayaanle inuu Xildhibaanada u Akhriyo  Taaiikh nololeedka  labada Wasiir ku xigeen.

Markii  la akhriyay Taariikh Nololeedkooda   ayaa waxa uu Gudoomiyuhu fasaxay labadii Wasiir ku Xigeen, kadibna waxa uu Goluhu Gudo galay inuu u codeeyo Masuuliyiintaa , codayntiina waxay u dhacday sidan soo socota:

Fadhiga maanta oo ay ka soo xaadireen 43 Mudane ayaa waxaa labada wasiir ku xigeenba  ogolaaday 42 mudane,  Cid Diiday iyo Cid ka Aamustay toona may jirin, Gudoomiyuhuna ma codayn sida caadiga ah.

Salaanmedia/Hargaysa

 




Leave a Reply