XUSEEN XIRSI CAAMIR CALI
TAXANIHII DIB I MILICSIGII MAANSOOYINKII IYO GABAYADII AAN IDIIN BALLAN QAADAY
WAA MAANSADII LABAAD WAXAANA MAGACEEDA LA YIDHAAHDAA GOBANIMO
maansadan waxaan curiyey 11 isla bishii shanaad 1989 kii  ee aan curiyey maansadii LIXLE
                  waana tan ee akhris wanaagsan
Â
taariikh la gaasiray gabay raadinaayiyoÂ
taxdu raadgur weeyaan
dood ay galeen iyo gaboobe iyo waa gabadh
ninkii garan karaayoow beribaa gabdhaa jirey
tiradooda guudnimo gidigood shan ay tahay
Â
guri qudha kuwada nool
geesi aabohood yahay
laba go,iyo shaadh xidhan
guuleed la odhan jirey
geed u waaban yahayoo
gudiyo u samaysani
ugu geyso waxa dhaca
isna waa gediisee
uu go,aansho dabadeed
Â
xiligays guraayee
taariikhdi gudubtoo
gidigood hablii kece
in geyaan kaxaystiyo
guurbay u baahdeen
guuldarriyo shil weeyee
mayhelin gankoodii
gaalaa u timi jaan
Â
gadh hayeenadii wadey
ninkii gobolka kula yiil
 iyo gaaladiisii shir u
gaar ah baa dhacay
waxa lagu gudoonsadey
in lakala gumeystoo
hablihiisa guuleedÂ
midba goono loo raro
Â
gacalooyin kala lumeÂ
gacmihii is haystiyo
gacalkii lakala tuur
ninkii guurtida ahaa
hada odaygii guuleed
gabal baa u dumey baas
go, aa loogu shubay lacag
gabdhihiisii lala tegey
muu baadi goobine
geel baabuu foofsaday
Â
markay gaaladii tidhi
waydin guursanaynaa
hablii garashadoodii
sadexbayska dabogalay
midna dhabar garaac iyo
dirqi lagula guri gee
Â
gabadhii hadhaa tidhi
mandho isma geynoo
adna gaal cad baad tahay
anna gabadh madawoo
dhaqan gaara wadatooÂ
rabi garansan baan ahay
Â
gaalkii wuxuu yidhi
isba guursan maynee
gacmo talo wadaagoo
isku geda ma noqonaa
gaar maw heshiinaa
Â
gabadhii waxay tidhi
waan garwaaqsadee haa
waadse iga gu weyntee
xilka gudo dhankaagoo
xili go,an i maqashii
 la gorfee ayaamaa
laysla garay timaantii
wayse garasho dheertee
gabadhii waxay tidhi
Â
buugga waa la guurshaa
gacmo qora ma haystiyoÂ
guri lagu ilaashoo aniga
saan la gigay iyo gogbaa
ii dhigaalaan ku gartaaÂ
fartaydeeÂ
Â
madanaan dab geliyoo sidaÂ
sumada geelaan xarfahawgu
gubayaa giboow saxeexooÂ
shakina yaanu kaa gelinÂ
waxaan uga gol leeyahay
Â
wuu u guuxay hadalkaa
gabadhii waxay tidhi
markaan doono iga guur
taana waan gartuu yidhi
gabadhii waxay tidhi
gabdho aniga mooyee
geyigan yaanay ku umulin
gabadhii waxay tidhi
haduu maydba kaa go,o
galabtaaba naga qaad
Â
xilligays guraayee
taariikhdi gudubtoo
lixdankii lasoo gaadh
galka seeftii laga saar
juunoo gabaabsiya
loo gudub xornimadii
Â
gabadhii maxlaalayd
waxa helay geyaankeed
galabtaa ni joogoow
godka lagu janneegii
cabdillaahi geeraar (sareeyoow ma nuqsaamoow aan siduu yahay eegnee aana siib kanna saar)
guri lagu aroosiyo
aqal loo gengaanyoo
gelbis iyo ciyaar iyo
batar gole la wageer (malaa kelmedda gole hadda waaba denbi e)
Â
maalmo gibina dabadood
iyadoo gingimanoo
buracad lagu guduudoo
saddex qayd u gaariyo
kabo fay gamuuriyo
gashan darayo muusoo
dhexda giijinaysoo
dhacle ugu gigtiranyoo
sindi ceeri gaabiyaÂ
cududda isku goysoo
Â
magac gaara wadatoo
lagu yidhi gobbaad tahay
loogee wallaasheed
gallad iyo israacbaaÂ
halkaa lagu gudoonsadey
waa lakala guweynyee
gabadhani ayaamaaÂ
shanbay gaar u leedahay
Â
xiligays guraayee
sagaal gu iyo dheeraad
dadkoo gaajo beelay
belo guudka kaga timi
geesh daalinaa kacay
la colow waxgardkii
diintii badh laga guur
al nisaa lakala goo
dhedigii lab loo garay
Â
gabayle iyo laa dheel
cannaanshe guuleed
isna gawrac waaberi
cid gargaarta mooyee
cid ka giilalyootoo
ka hadooda lama arag
Â
waxa dhimatay gabadhii
gobonomo la odhan jirey
gardarriyo dilbaa dhacay
gobollaa la duudsiyey
meyd gurada yaaloo
in xabaal la geeyiyo
godka looga dhaartoo
qosol lagu gargaaroo
layska garab maraa jirey
ninbays ydhi wax dabar goo
Â
xaqa geed ma qariyee
shicibaa guntadayoo
may soo dagaal galay
gabadhii la aasaa
dhab ahaan gilglitoo
ninbay garatay maantaa
ragii goobta joogoo
waxay tidhi gabooboow
godkii jiifi waayoo
ifkaan galabta joogaa
waa maxay gariirkani?
Â
wuxuu yidhi gobtii iyo
guntiibaa is laayoo
geyiga isku haystee
nabar yuu ku gadhine
godkaagii iskaga noqo
Â
waxay tdhi gabooboow
gedo biirsigii iyo ciisii
galbeed yiil ma galeen
dagaalkii?
Â
wuxuu yidhi gaboobena
gedo biirsigii iyo ciisii
galbeed yiil dhiig faraha
geliyoo way galeen dagaalkii
Â
waxay tadhi gabooboow
ma gunbaa dhulbahantuhu?
mase galay dagaalkii?
Â
gabadhyahay wuxuu yidhi
geesigaa nugaal yaal
dhab ahaan gob weeyaan
wasuu galabta joogaaÂ
hashii gureygu jeedlooÂ
geesina uma fayoobee
wuu garan dantiisooÂ
isna wuu dagaal geli
Â
gabadhii waxay tidhi
nimankaa gabooboowÂ
garoowe iyo ayl dega
guud ahaan majeerteen
ma gunbaw taqaanaan?
Â
wuxuu yidhi gob weeyaan
garashiyo aqoonbale
taa waxaad ku garataa
xiligay gadoodeen
dadku guud ahaantii
way gama,a sanaayeen
Â
gaboobaa wuxuu yidhi
uu u sheegay gabadhii
wersen geli gob weeyaan
geri iyo jibraahiilÂ
gur gure iyo madigaan
gaadsaniyo sheekhaash
garraha iyo gaaljecel
akishaha ka gaarka,a
intuu garab ka haystiyo
raaci gibil cadkiisoo
hawiyena gob weeyaan
Â
gaani iyo afweyniyo
inta guri la joogtee
gardarada ku raacduu
ku gabraarto mooyee
mareexaanka gedo yaal
isaguna gob weeyaan
kurey geel la joogoo
galab qudha la raafoo
xidigaan gundheerayn
guudka loogu tolayoo
galay weerar weeyaan
oday gaajo liitoo
geedkuu fadhiyi jireyÂ
lacag loogu geeyoo
laga xaday garaadkoo
godob loo xamaarshaan
iska garanin weeyaan
Â
gabadhii waxay tidhi
hadii uu gabooboow
dadku wada gobtaa
yahay hadaa gacale
waamaxay guntan
ay is dilayaan?
Â
gabadhyahay wuxuu yidhi
godey iyo awaariyo
gorgor iyo wardheer iyo
gembisiyo masaarriyo
gallaadiyo dhagax buur
gudihii hawaasiyo
ciidii guduudneyd
gaashaamo hawdiyo
gidigeedba xagarey
ninka gaalka siyee
galbo yidhi wajeereey
kuwa gacan ku siiyiyo
guntu taliska weeyaan
Â
gabadhii waxay tidhi
guul baan horteedii
galabtaba arkaayoo
saakana gabooboow
sagal guniyo baaraa
cirka lagu gedaamee
kolkaa goolka dhalisaan
geestaa woqooyiga
miyaa goosanaysaan?
Â
gaboobaa wuxuu yidhi
uu u sheegay gobanimo
gabdhihii maqanaa iyo
gacalooyin  kaagiiÂ
baadi goob ha joogtee
gidigii dadkaygaba
guud ahan dalkaygaba
isu gee ha joogtee
gabadhyahay sideebaan
kala goyn u yeelaa
Â
gobolla isma bixin karo
ilayn goonidiisee
bal xagee lakala geyn
gafanaa ku naaxiyo
maska qoorta gooyoo
reerka geedi geliyoo
guri lagu negaadiyo
raaxo gee ha joogtee
miyaan aano gudashiyo
kala guris u jeedaa
Â
gaboobaa wuxuu tidhi
aan gebo gebeeyee
gunbay haani tolantaa
gunnimo iyo goba nimo
galabtaa wixii nool
waa go,aan dadka u yaal
Â
xuseen xirsi caamir cali