Astaamaha lagu garto Hogaamiyaha keli taliyaha ah :
Qormadii 1aad :-
Astaamaha lagu garto ama lagu yaqaan hogaamiyaha keli taliyaha ah,waa qormooyin taxane ah oo aan u soo gudbin doono Saxaafada xorta ah iyo dhamaan inta akhrisata.Haddii aad aragto hogaamiye leh mid ka mid ah astaamaha faraha badan ee aan halkan idiinku soo gudbin doono  oo runtii aad u badan ,waa xaqiiqa in hogaamiyahaasi uu yahay   keli taliye, dhamaantoodna waa  astaamo caalamku isku raacsan yahay :-
Maxaa looga jeedaa hogaamiye keli taliye ah :-
·        Hogaamiyaha keli taliyaha ah waxaa loola jeedaa hogaamiye aan xukunka  ku helin hab Demuqraati ah.
·        Marmarna waxaa lagu qeexaa hogaamiye si qaldan u isticmaala awooda xukun,kaas oo aan tixgelin Golayaasha Sharci ee kale iyo guud ahaanba Shuruucda wadanka u taala.
·        Marmarna waxaa lagu qeexaa shaqsi ,xukun jecel,oo haddii aanu wax xukumin aan joogi karin,noloshu ku adagtay.
·        Qubarada cilmi nafsiga barataana waxay ku qeexaan shaqsi yaraantii loogu geystay,dhibaato shaqsi,qoys amase qabiil, dhibaatooyinkaas oo raad weyn Maskaxdiisa ku reeba,waa shaqsi doonaya in uu ka aar guto dhib iyo ciil ay bulshadu u geysatay.
·        Waa shaqsi ay gacanta ugu jiraa dhamaan awoodaha Dowladnimo,waxaa lagu yaqaan Dowlad hal qof uu xukumo,inta badan awooda Dowladnimo waxa ay gacanta u gashaa koox yar ,oo inta badan ka soo jeeda qoyska Madaxweynaha amase hoogamiyaha wadanka xukuma.
Haddii hogaamiye ku sifoobo qaar ka mid ah qeexitaanadaa aan kor ku soo sheegay,waxaa  dunnidu isku raacsan tahay in uu yahay Hogaamiye  keli taliye ah .
Mahadsanid
Abdi Saleiman(Mingiste)
abdi_daleiman@hotmail.com
facebook : abdi saleiman
twitter @_saleiman
skype abdisaleiman1
linkedin. abdi s saleiman(fadlan haddii aad taqaano,qaar ka mid ah ,calaamadaha lagu garto Hogaamiyaha Keli taliyaha ah,iigu soo dir n emailka,adigoo mahadsan)
——la soco qormada 2aad iyo sida uu ku yimaado  Hogaamiye keli taliye ah—-
