Maanso lamagac baxday Mas daalina.By: Cabdiwelli A.Yalas

Waxaan halkan ku soo gubinayaa maanso gaaban oo aan ku halqabsanayo mudane madaxweynaha JSL.Axmed Maxamed maxamuud siilaanyo, isla markaana aan kagala talinayo wadahadalada u dhaxeeya Soomaaliya iyo soomaaliland ee madhalayska ah. Maansadu waxay ka hadlaysaa nasiib daradii ku dhacay reer soomaaliland lixdan kii markii ay dawladdoodii hadyadda ugu geeyeen reer koonfureed iyagoon wax shuruud ku xidhin iyo sida ay maantana mar labaad u sugayaan hadyad kale oo loo geeyo oo ay markale godkii hore god ka dheer ugu ridaan si aan diba loogu wada hadal, iyo reer soomaaliland waxa maanta la gudboon.
Ee ku soo dhawaada.

Siilaanyow mas daalini

haduu siibo xuubkii

Soow miciyihii iyo

Sunti weli kumay hadhin

Miyuu sahasho leeyahay.

Kala samirnay maantoo

Shanti kala sedqaadoo

Qolo  waliba soonay

Sumadeed ku dhigatee

Salaama ALLE uun dhaha. 

Sawtaynu beri hore

Soomaali doonee

Dawlad saanadeedaloo

Inoo dhalatay subaxaa

inagoon salka u dhigin

Saabka aan ku qaadnee

Safar xamar ku gaynee 

Shuruudli i ku siinee

Sooryadan hooya aan nidhi.

Lixdan sanaan sugaynoo

Maantay salaxantoo  

Sidigti aynu maaloo

Sabadii ku dheregnee

Saaka miyaan ka xaynaa

Socod xamar ku  gaynaa

Aanka sibiq dhaqaaqnee.

Miyaynaan siriyo caad

Kala saarahayn abid

Weligeen sax iyo qalad

Sifa-hooda baranayn

Surmo seegto daynayn.
 

Seef lagugu dili-laa 

Seedaha lugaa iyo 

Surka lagugu jarilaa 

Adigu ha isku soofayn 

Hana saxeexin weligaa.

Waa sida yaxaaskaa

Ilmada saydhinaayee

Waxba yay sasabo iyo

Kugu dagin sabaaloo

Hadhaw saymo ina gelin.

Lixdan sanaan sugaynoo   

Hashi way sedgoysee

Saaka miyaan ka xaynaa

Socod xamar ku  gaynaa

Aanka sibiq dhaqaaqnee.

Hadaad ina sanweyniyo

Jugle saan ku leedoo

Sinjina Aden aad tahay 

Soomaali laand badi

Sawd kuugu deeqeen

Nin sideetan jiraytoo

Soo jireena aadtahay

Waa inaad sinaaniyo

Saxa nagu dhaqdaayoo

Saxar aanu nagu dhicin

Taladu yay ku seegine

Suryadaad na marin iyo

Salaamada qarsoon iyo 

Wada hadalka soomaal

Iska sahami weligaa.