(SM-Hargaysa) Madaxweynaha Jamhuuriyadda Somaliland Mud. Axmed Maxamed Maxamuud (Silaanyo) ayaa bulsha weynta Somaliland wuxuu ku hanbalyeeyay farxada Munaasibada Ciida, sidoo kale wuxuu Madaxweynuhu ugu baaqay ummadda guud ahaan inay u midoobaan sidii ay wax u wada qabsan lahaayeen. Sidaana waxaa lagu sheegay war-saxafadeed ka soo baxay aqalka Madaxtooyadda Somaliland, war-saxafadeedkaas oo u dhignaa isagoo dhamaystiran sidan.
Hambalyada Madaxweynaha Ciidal Adxa 2013
Bismilaahi Raxmaan Raxiim,
Ciid mubaarik, ciidal caafiya, kulu caam wa antum bikhayr.
Â
Madaxweynaha Jamhuuriyada Somaliland Mudane, Axmed Maxamed (Silanyo) waxa uu Xuska Ciidal Adxa awgeed Hambalyo u dirayaa Dhamaan Golayaasha Qaranka, Madax-dhaqameedka, Culimaau-diinka, Xisbiyada Qaranka, dhammaan Bulshada reer Somaliland iyo guud ahaan bulsho-weynta Islaamka ee dunida, waxaan munaasibada Ciidal Adxa leeyahayCiid-Mubaarik, Ciidal-caafiya, kullu-caamin wa antum bikhayr.
Â
Waxaan Illaahay inooga rajaynayaa in uu ciidan ciideeda inagu gaadhsiiyo caafimaad, cibaado, bash-bash iyo barwaaqo.
Â
Aamiin              Aamiin              Aamiin
Hambalyadaas Ciida ka dib, waxaan Bulshada reer Somaliland ku bogaadinayaa dedaalka muddada dheer ay soo wadeen, iyaga oo shacbi iyo dawladba is-kaashanaya.
Dedaalkaasi waaka aynu maanta ku soo gaadhnay halka qarankeenu uu taagan yahay, waxaana xaqiiq ah wax kasta oo aan soo qabsannay waxa laf-dhabar u ahaa nabadgelyada aynu ku naaloonayno, taas oo ku timidTabantaabaday laba gacmood tamar ku yeeshaane iskaashiga Shacbiga iyo Dawladda.
Wax kasta oo aynu soo qabsanay waxa ka baaxad-weyn hawlaha qaran ahaan inoo yaalla, taas oo aynu kaga midho-dhalin karno in aynu dedaalkeena sii xoojinno, si aynu u gaadhno hiigsigeenna iyo halka aynu qaran ahaan u socono oo ay ugu mihiimsan tahay in qarankani helo aqoonsi buuxa.
Somaliland waxay u diyaar tahay in beesha caalamka iyo gaar ahaanba wadamada jaarka ay kala shaqayso nabadgelyad iyo deganaanshaha Gobolka.
Wa Kullu Caam Wa Antum Bikhayr,,,
Â
Â
Axmed Saleebaan Maxamed (Dhuxul)
Af-hayeenka Madaxtooyada JSL.
Â