Hargeysa/SM… Xisbiga Cadaalada iyo Daryeelka UCID oo Gudbiyay Dacwada ka dhanka ah labada Xildhibaan ee Kala ahaa Mayorka Magaalada Berbera Cabdishakuur iyo Xildhibaan Cabdirashiid Komishanka Doorashooyinka Sheegayna in ay Dhamaatay Muddo Xileedkii Gudida DiiwaanGelintu...
Sidaana waxa lagu Sheegay Warsaxaafadeed Goor dhawayd Soo gaadhay ToggaHerer kuna Saxeexan Yahay Gudoomiye Ku Xigeenka Saddexaad ee Xisbiga UCID Muj Cali Gurey.
War-Saxaafadeedka ayaa u Dhignaa Sidan:-
JAMHUURIYADDA SOMALILAND REPUBLIC OF SOMALILAND
Xisbiga Cadaaladda Iyo Daryeelka UCID Justice and Welfare Party
|
Ref/UCID/196/2013 Date:12/10/2013 |
Ku: komishanka Doorahooyinka Qaranka JSL Hargeysa
Og: Guddida Diiwaangelinta Ururada & Axsaabta Qaranka Hargeysa
OG: Xisbiga WADANI Hargeysa
OG: Xisbiga KULMIYE Hargeysa
OG: Qaadhaan Bixiyayaasha Doorashooyinka Qaranka JSL Hargeysa
Og: Gudoomiyaha Gobolka Saaxil Berbera
Og: Wasiirka Arimaha Gudaha JSL Hargeysa
Og: Gudoomiyaha Golaha Wakiilada JSL Hargeysa
Og: Madaxweynaha JSL Hargeysa
UJEEDO: Soo Gudbin Dacwadeed
Anagoo tixraacayna warqadii sumadeedu ahayd Ref:194/UCID/2013 kuna taariikhaysnayd 02/10/2013, tooska aanu u siinay anagoo raacayna sida u jideeyay Xeer No14/2011, taas oo aanu Dacwadii u horaysay u gudbinay Guddida Diiwaangelinta Ururada iyo Axsaabta Qaranka kuwaas oo muddo xillood koodii ku ekaa 04/10/2013 maalintaas oo ay ahayd maalintii Maxkamada sare ay dhaarisay ka dib markay Golaha Wakiiladu ansixiyeen 01/10/2011 Maxkamada sare na ay dhaarisay 04/10/2011 Maalintaas oo sida uu dhigayo Qod 6aad ee Xeer No14/2011 Guddidu ay Xilka haynayaan Muddo 2ba sano ah oo ka bilaabmaya maalintay maxkamaddu dhaarisay ee kor ku xusan, sida ku cad Qod 10aad ee XeerNO14/2011 todobaad ka dib marka Golaha Wakiiladu ansixiyo ayaa Maxkamada Sare horteeda lagu dhaarinayaa.
Sidaa darteed Guddida Diiwaan gelinta URUDA IYO Axsaabta Qaranku Waxa Xilku kaga e kaa 04/10/2013, Dacwadayadu waxay sharci ahaan khusaynaysay 2badii ilaa bisha 4teedii wixii ka danbeeyay 8 maalmood oo Xilku ka dhamaaday ayay muddo dhaaf si ula kac ah iyagoo og in waqtigii ka dhamaaday ayay Dacwadayadii dib uga dhigeen muddo xillood koodii dhamaaday.
Sidaa daraadeed sida ku cad Qod 8aad ee XeerNo14/2011 shaqadii Dacwadayadu waxay saaka ku wareegaysaa Komishanka Doorashooyinka Qaranka maadaama oo ay Guddida Diiwaangelinta ururda iyo axsaabta Qaranka uu Muddo xilloodkoodii dhamaaday, wax muddo kordhin ahna ilaa maanta oo ay taariikdu tahay 12/10/2013 aanay soo gaadhin Golaha Wakiilada JSL, isagoo Madaxweynuhu xaq u lahaa intaan muddadu ka dhamaan ama gabaabsiga tahay inuu u soo gudbiyo Golaha Wakiilada Hadduu doono in uu muddo kordhin u sameeyo laakiin ay caddahay in aan ciddina u kordhion Karin maanta maadaama muddo xilloodkoodii dhamaaday Madaxweynaha oo aan muddo kordhin soo qorin intii muddadooda wax ka noolaayeen .
Sidaa awgeed Xisbiga Caddaalada iyo Daryeelka UCID isaga oo daliishanaya dhamaan qodobada kor ku xusan raacayana mar ba cidda uu u jidaynayo XeerNo14/2011 ee Awoodda u leh in uu Dacwadiisa ku hagaajiyo.
waxa aanu maanta oo ay taariikhdu tahay 12/10/2013 ugu soo gudbinaynaa Dacwada ka dhanka ah labada Xildhibaan ee Kala ahaa Mayorka Magaalada Berbera Cabdishakuur Maxamed Xasan iyo Xildhibaan Cabdirashiid Maxamed X. Yuusuf.
Labada xildhibaan waxa ay si badheedh ah u jebiyeen xeer-hoosaadka xisbiga UCID, Qodobkiisa 7 aad firqadihiisa 1aad,2aad iyo 4aad.
Waxa kale oo ay labada xildhibaan si cad u jabiyeen Xeer 14 ( xeerka nidaamka ururada iyo axsaabta siyaasadda oo loo soo gaabiyo xeer/LR/14/2011 ).
xeerka anshaxa xisbiyada JSL ( code of Conduct ).
ku waas oo sida la wada ogsoon yahay loo qabtay xaflad si heersare ah loo agaasimay oo ay ka qayb galeen madaxda sare ee Xukuumada Somaliland oo ay ka mid yihiin Xubno Golaha Wasiiradda ka tirsan sida Wasiirka Madaxtooyada iyo Gaashaandhiga iyo Madaxda sar sare ee Hogaanka Xisbiga KULMIYE laguna qabtay Hotel Maansoor ee Magaalada Berbera taas oo u jeedada loo qabtay ku magacawnayd Labada Xildhibaan ee Kor Ku xusan oo Ka baxay Xisbiga UCID una wareegay Xisbiga KULMIYE, iyagoo ku xardhan istiikariska iyo astaamaha Xisbiga KULMIYE.
Sidaa awgeed waxaanu Komishanka Qaranka ee Xeerku ujidaynayo awoodana u siinayo sida ku xusan Qodabada aanu kor ku soo sheegnay ee khuseeya muddo Xilleedka Guddida Diiwaangelinta Ururada iyo axsaabta Qaranka Marka muddadoodu dhamaato oo ah Komishanka Doorashooyinka Qaranka inay Xildhibaanadan ka gutaan Waajibaadkooda si waafaqsan sharciga iyo xeerarka khuseeya ee aanu kor ku soo sheegnay, anagoo arintaa u hayna Cajalado kayd ah iyo Ducemntiyo ku marag ah eedaymahooda keenina doona Xafiiska Komishanka Doorashooyinka Qaranka.
Wabillaahi Tawfiiq
Gudoomiye Ku Xigeenka 3aad ee Xisbiga UCID MD, Cali Maxamed Yuusuf (Cali Gurey)_____
