Kulan balaadhan oo ay soo abaabuleen Xisbiga Cadaaladda iyo Daryteellka Somaliland  ee UCID  ayaa ka qabsoomay   Xalayto oo ku beegnayd 29.12.13 Habeen Axad ahayd. Kulanka oo ay soo buux dhaafiyeen tageerayaasha  iyo Madaxda Xisbiga UCID  oo ka kala yimid daafaha Dalkan Ingiriiska.
Ugu horeyn waxa lagu furay kulanka Aayado Quraana kadibana waxa Warbixin ku saabsan kulanka soodhaweynta ah ee loo sameeyey Musharaxa Madaxweyne kuxigeenka Xisbiga UCID  Aqoonyahan Cabdirashiid Xasan Mataan iyo Mayor-kuxigeenka Caasimadda Hargaysa Mudane Cabdicasiis Maxamed Cagoweyne  gudoomiyaha Xisbiga UCID ee UK Maxamed Jaamac  Koodbuur (Shiine) oo aad ugu mahadceliyey kasoo qaybgalayaasha,Tageerayaasha iyo dhamaan madaxda Xisbigaba,Waxa uuna warbixin kooban kaga waramay hawlaha Xisbiga UCID ee wakhtigan xaadirka  iyo soo dhaweynta loo sameeyey labadan. Waxaa kale oo hadalo mahad celin, guubaabo iyo warbixinba leh ka jeediyey madashaa madax badan oo heer qaran, yurub iyo UK ba leh.Â
Waxa isna Kulanka hadalo kasoo jeediyey ku saabsan safarkiisii uu dalkan kujoogay wixii u qabsoomay, iyo in dhamaan shacabka reer Somaliland ay dedaal mayorkuxigeenka Caasimadda Hargysa Cabdicasiis Maxamed Cagoweyne .
Mudane Cabdirashiid Xasan Mataan waxa uu xusay in uu hawl badan ku bixiyey in uu la kulmo shacabka reer Awdal  oo uu sheegay in markii ugu horeysay 23 sano in Urur la baxaan Awdal State tasoo ay sabab u tahay xukumadda maanta jirta oo ay saluugayaan, waxaan ku bixiyey wakhti badan sidii aan uga dhaadhicin lahaa in waxyaalaha uu doonayo in xisbiga cadaaladda iyo daryeelka UCID uu doonayo inuu wax ka qabto,Waxa uuna  shacabka reer Somaliland meelkasta oo ay joogaay uu u sheegayaa in ay tahay wakhtigii isbedelka dhab ah dalku helilaha, taasina ay tahay ta ay doonayaan inay dedaalkeeda sameeyaan.
Heli mayno ictiraaf iyo maalgashi inta ay maqan tahay xoriyadda saxaafada iyo nimaadka sharciga ,Waxa kale oo mudane Cabdirashiid ka hadlay mudaharaadyadii dhawaan dalka ka dhacay oo uu ku tilmaamay mid aan dalka ku wacnayn, Mar uu ka hadlaayey saxaafada waxa uu sheegay in wargaysa Hubaal uu weli xidhan yahay oo ay tahay nasiib daro.Tvga qaranka Somaliland oo isna noqday mid u ageeda xukumadda maanta jirta tasoo ah nasiib daro weyn.
Waxa ugu danbeyb soo jeediyey in xisbiga UCID ay hogaan cusub oo dhalinyaro ahi hogaanka u hayaan tasoo uu ku amaanay gudoomiyaha Xisbiga UCIDÂ Â Eng Faysal Cali Waraabe in uu ka danbeeyo horumarkaa isaga oo tilmaamay in taasi keentay in dhaliyaro farabadan oo aqoon yahan ahi xisbiga kusoo biiraan.
Waxa kale oo ka hadlay madax farabadan oo ay ka mid yihiin Foosi Xaaji Yusuf Xoghayaha Tacliinta UCID,Siciid Cumar Axmed Wakiilka Yurub ee Xisbiga UCID,Abokor Maxamed Xoghayaha Siyaasada.Maxamed Yuusuf Shacaari,Gudoomiye Kuxigeenka Yurub.Foosiya Caydiid,Amina Ismaciil ,Saynab Xaji Gaydh,Farduus Cige, Nuura Ciise Oomaar iyo Ifraax Baruud.
Â
Waxa kulankani kusoo geba-gaboobay jawi aad  u qurux badan waxa kale oo mahadnaq gaara loo dirayaa garabka Haweenka iyo gudii abaabushay xaflada.
Salaanmedia/London