Waxa Hargeisa ka dilaacday Dhul-boob , ay ku bahoobeen Mayor Solteco, Xildhibaan Timacade iyo dilaalka wayn ee Reer Hargeisa “ Gaashan Real Estate “. Qaabka ay u shaqeeyaana waa sidatan :
A) “ Gashaan Real Estate ” wuxuu soo hubiya dhulka danyartu dhisan kari wayday, ama Qurbajoogto ka maqantahay. Wuxuu kale oo uu diyaar gareeya cid ku qabsata ama sheegata dhulkaas . B) Madaxa Qaybta Dhulka Dawladda Hoose Xildhibaan Timacadde ayaa qora warqad ogaysiin ah inay cidii dhulkaas sheeganaysa muddo 30 cisho gudahood ah ku yimaadan Xafiiskeesa.C) Haddii ay soo xaadiri wayaan ciddi dhulka asal ahaan iska lahayd , oo inta badan Qurbajoog ama Danyara , waxa sharci loo sameeya ciddi ku qabsatay ,waxaana saxeexa Mayor Solteco iyo Xildhibaan Timacadde D) Dhulka waxa markiiba qiimo hoose ku iibaya “ Gashaan Real Estate” E) .Qofkii lahaa haddii uu ka war-helo in dhulkeesi la iibiyay oo uu yimaado Dawladda Hoose, waxa lagu yidhaahda : Dhulkaa waa lagagu qabsaday, waa lagu soo ogaysiiyay, waanad ku imaan wayady waqtigii laguu qabtay.
Ilaa iyo iminka inta la hubo, Bloodhada la iibiyay waa 17 bloodh, oo wadar qiimahoodu kor u dhaafayso $ 510,000/=. Waxay ku kala yaleen Xaafada Xero Awr, Badda Cas, Gacan Libaax, iyo Axmed Dhagax .Dadkii dhulka laha qaarkood waxay hor dhoobanyheen Dawladda Hoose iyo Maxkamadda Gobolka Maroodijeex. Hadaba si looga hortago aafada ku habsatay Caasimadda Hargeisa, waxaanu samaynay Golaha Dhibanyaasha Dhul -Booka Hargeisa , oo ujeedooynkiisa ka mid yaheen :
-
Tirokooba & diiwan gelinta dhibanyaasha iyo midaynta cududooda sidii ay wadajir ugu qabsan lahaayeen Garyaqaan adag .
-
Qorista dacwad iyo cabasho ay u gudbiyaan Xafiiska Wasiirka Madaxtooyadda, Wasaaradda Arrimaha Gudaha iyo Xafiiska la Dagaalanka Musuq-maasuqa.
-
Wacyigelinta iyo baraarujinta bulshda Somaliland ee hantida ma guurta ah ku leh Caasimadda Hargeisa.
Hadaba, dhamaan dhibanayaasha dhul boobka waxa laga codsanyaa inay Magacyadooda oo saddexan iyo cinwaankooda u soo gudbiyaan Xoghaynta Dhexe “GDDH” ee Hargeisa.
Eng : Abdi Kahin, Xoghayaha Guud “ GDDH” Hargeisa.