Maasadan waxaa Tiriyay Abwaan Sacad cali kaahin Raamalay [SACAD PLUCKY]
Waxaanay Kamid Tahay Maansadu Silsiladii Garbo-diir ee uu Bilaabay Abwaan Axamed Aw Geedi
Maansadan DUBE Waxay Soo Baxaday 23/01/014
Waxanay Ku Bilaabatay Sidan Laso-cosho Wacan
Duufaankan -kacay-iyo odayaw
Dabayluhu-waa-dir-isma-
Bulsho-Ulasho-Darranihi
Danbarkay haleeshee
Haka daahin heestee
Ku daloolo awllaxa
Dulmigiyo xumaantoo
Darran doorri maansadda
Sawtan lays daliigee ayax diir
Xambaarsani dam kasiiyay saacii
Sawkan duburlax oommani dadkii
Dhuugay maahee sharcigii ladaayacay
Ruuxaan debiba gelin
Sawtan duubcas loodiree
Loogu daatay aqalkiis
Sawtan lays duduucee
Ruuxii dibnaha furra
Loo diiday shaqadii
Duf ku bexe munaafaqu
Afka erray ka daacada
Uurka wuu ku dedayaa
Dekediyo garoonkii
Sawtanay dilaaleen
Dar xumaan la jaalihi
Sawkan laba daryaalii
Dhexda uu ka daacee
Dhigtii udubkii dacal maray
Sawkan faraskii doolaal
Weedhsamaw la doorshee
lagu daray dameeraa
Sawkan daan cirooluu
Darkii ceelka shubayee
Ku hungawday duunyadu
Sawkan dirdiraaliyo
Daacuun siyaasiyi
Dadka inuu u wacanyahay
Dalmaraw usheegtee
Dunidii is wadda sudhay
Wixii aan dedaal galay
Sawtan dibiga keentee
Ka durduurro igu tidhi
Dabar go.a-iyo le.ashada
Sawtan habar dugaag-iyo
Mid kadaran itdhi hoo
Sawtan dihatay eexdiyo
Dulmigi-yo xumaantee
Daaduuntay taladii
Darran baan u haystee
Sawtan ciinka daaqdee
Daawad qaaday dhugatada
Sawtan daabad boobaw
Lamma dego ku fooftee
Ku xerootay degel baas
Sawkan dammalkii waynaa
Hadh dacaarka yeeshee
Caleemii ka daateen
Danyarta iyo maatida
Sawtan diiftu haysee
Dab la wayday dherigee
Diihaalku tamar galay
Sawtan dulundulcaysee
Jar ka duushay xaajadu
Sawtan doobir beeshee
Ku durdurisay maqashii
Sawkan xumuhu doobyee
Doonyaystay kibirkuna
Sawtan horuumar diidee
Dib usocotay nuuxaw
Sawtan dakharadii hore
Doogtoodi kicisee diiqday
Nabaradii jiray
Sawtan ay dadnimadii
Doc deedii banaantahay
Sawtan aan dulqaad iyo
Dawladnimo shaqaynayn
Sawkan kii dad hagilaa
Dunjigii xoriyadiyo
Wixii loo dagaalamay
Isna dooni jiray berri
Deelqaaf u qaatee
Diidmada ku yidhi maya
Meel baas durdrisee
Dalmaraw daliilkiyo
Anna deelka maansada
aan ku soo dabaalee
Dube weeye arartuye
Duco waxay kuleedahay
Daayinaw allahayaw
Ilmahaa damiinkaa
Dirasahada xagayganna
Dab-aan igu dhejinahayn
Daayinaw allahayaw
Midkaa socod ka diinkaa
Daayinaw allahayaw
Midkaa duunka hoosiyo
Dalqadaba ka cadaw-gaa
Midkaa diinta faasaxay
Anna dayra-dayga ah
Duf ku baxe habaarkaa
Goblan kumaan ducaysane
Dar ka wacan isiiyoo ii doorri
Waynaw
Dube weeye maansadu
Duco waxay ku leedahay
Mid bulshada u daran iyo
Rabiyaw damiin iyo darti-yo
Kud iyo caal dib hanoogu
Soo celin
Dube weeye maansadu
Anna yaanan daaq gayn
Dalmaraw ujeedadda
Ina geedi daymada
Geel foof ka daalacay
Wixii jiray degaankoo
Wuu damqaday abwaanku-ye
Anna daahi maayee
Darba-dayda cuudkaay
Dabaylaha dhex qaadoo
Dal daluun halkaan rabo
Dulmigana xambaaree
Ayaxa iyo diirtanna
Meel darran ukal didi
Dube weeye maansadu
by sacad cali kaahin raamalay [sacad plucky]
