Feb 4, 2014 Muqdisho (SM) – Munaasabadan oo lagu sagootinayay Ku-xigeenkii R/wasaaraha iyo Wasiirka arrimaha dibedda Drs Fowsiya Yuusuf Xaaji Aaden, islamarkaana lagu soo dhaweynayay Wasiirka cusub ee Wasaaraddaasi Dr C/raxmana Ducaale Beyle ayaa maanta lagu qabtay Magaalada Muqdisho iyadoo ay kasoo qeybgaleen Ku-xigeenka R/wasaaraha ahna Wasiirka Diinta iyo Awaafta Mudane Ridwaan Xirsi Maxamed, xubno ka tirsan labada gole ee Dowladda, Safiirrada Soomaaliya u jooga qaar kamid ah dalalka shisheeye, Diblomaasiyiin iyo marti sharaf kale.
Munaasabadda ayaa ugu horreyn waxaa khudbad ka jeedisay Wasiirkii hore ee Arrimaha dibadda iyo Iskaashiga caalamaig ah Dr Fowsiya Yuusuf Xaaji Aaden oo sheegtay in mudadii ay joogtay ay wax badan qabatay, iyadoo u mahadcelisay Dowladaha Uganda, Kenya, Ethiopia iyo dhammaan dowladaha IGAD ee gacanta u fidiyay Soomaaliya, waxa ayna ballaanqaaday Fowsiyo inay gacan siin doonto madaxda cusub ee Wasaaradda.
Sidioo kale Dr C/raxmaan Ducaale Beyle Wasiirka arrimaha dibadda iyo iskaashiga caalamiga ah ayaa aad u amaanay waxqabnadkii ay muujisay Wasiir Fowsiya ,isagoo tilmaamay in Wasaaraddiisu ka go’antahay inay sii horumariso xiriirka caalamiga ah oo ay la leedahay Dunida.
Ku-xigeenka R/wsaaarah dalka ahna Wasiirka arrimaha Diinta Ridwaan Xirsi Maxamed oo soo xiray munaasabadda ayaa uga mahadceliyay Wasiirkii hore ee arrimaha dibadda Drs Fowsiya heerkii ay gaarsiisay Wasaaradda, isagoo kula taliyay wasiirka cusub inuu sii horuimariyo dedaalkii ay sameeyeen madaxdii ka horreysay.
Munaasabadda ayaa intii ay socotay waxaa suugaan kusoo bandhigay Hobollada Qaranka ee Waaberi, iyadoo madxaduna ay si aad ah ula dhaceen farriin suugaaneedka ay tilmaamayeen fanananiinta.
Madaxda cusub ee Wasaaradda arrimaha dibadda iyo iskaasghiga caalamiga ah ayaa markii ay la wareegeen xafiiska ballanqaaday inay qaab wadatashi ah isula shaqeyn doonaan si loo sii xoojiyo xiriirka ay Soomaaliya la leedahay caalamka.
Salaanmedia/Muqdisho
