(SLT-Hargeysa) – Guddidii Turxaan bixinta Khilaafka xisbiga Kulmiye, ayaa caawa soo gabogabeeyay khilaafkaasi isla-markaana soo bandhigay qodobbo lagu heshiiyey oo labada dhinacba raali ka yihiin.
War-saxaafadeedka lagu shaaciyey heshiiska laga gaadhay khilaafka xisbiga Kulmiye oo uu warbaahinta u akhriyey xildhibaan Cali Mareexaan ayaa u dhignaa sidan:-
Ku: Â Gudoomiyaha Xisbiga Kulmiye
Ku: Madaxweyne ku xigeenka Somaliland
Og: Madaxwaynaha JSL
Ujeedo Gudida turxaan bixinta xisbiga kulmiye
Mudanayaal sida aad la wada soctaan waxa madaxweynaha jamhuuriyada Somaliland magacabay Gudida turaxaan bixinta khilaafka soo kala dhex galay madaxda sare ee xisbiga kulmiye oo saamayn ku yeeshay qabsoomida shirweynaha seddexaad ee xisbiga kulmiye gudidaas oo ka kooban toban xubnood waxay si mug iyo miisan leh uga hawl gashay shaqadii loo igmaday.
Gudidu si ay u daristo baaxada khilaafka iyo waxa lagu kala qabanayo waxay kulamo gooni gooni ah la yeelatay dhinacyadii wax kala tirsanayay iyadoo dhinac walba la yeelatay saddex kulan oo gaar ah si khilaafka loo furdaamiyo waxayna gudidu kulamo shakhsi shakhsi ah la yeelatay xubnaha xisbiga ee kala cabanayay kaas oo ay u kaladab qaadaysay.
Kulmadaas gaar gaar ah ka dib waxay gudidu si toosa ah isu soo hor fadhiisiisay dhinacyadii wax kala tirsanayay kuwaas oo dhinac walba ku soo bandhigay wixii uu tirsanayay si furan oo saraaxad leh.
Hadaba gudidani iyadoo tix gelinaysa wada jirka xisbiga kana duulaysa sidii shirweynaha xisbigu ugu qabsoomi lahaa wakhtigii loo cayimay iyadoo dhamaan xisbigu mid yahay.