Markaan arkay maansadii abwaan dhako kulahadlay abwaan jaamac riyo, daboolkana kaqaaday in lasoo-adeegsaday dhako. Ayaan xaal iyo raali-gelin kabixinaya, iyadoo aanu wadaagno Caaqil, kii-qaban lahaana aan ahay abwaan dhako.
Maanso yaroo gola-kafuula oo isugujirta canaan iyo waano.
Hadaan dhako daaha saaro
Hadaan dedefeeyo tiisa
Uduur-xulo anigu tayda
Hadaan runta daadeheeyo
Udaadego dulucda heesta
Dadnimo waa dareenka ruuxa
Udiida wixii dunuuba
Damiir-kiisana hagaaya
Hayeeshee doodan manta
Dhakiyo daan-daansigiisa,
Doraad xukun-kuu dalaaqay
Meherkii degdeg usiiyey
Dufan-jecel uu kusheegay
Dadkuu dhaqan-kooda-
Diiday,
Dugaag kumasaalay caydha
Kuwuu dawersiga kucaayey
Diirtiyo ayaxana uraacshay
Inuu maantana dillaalo-
Weliba ugu-doodo maanso
Aniga iga-degiba-maysee
Hadmaa damacii habaabay?
Door-soomay ninkii wacnaaba?
Hadmuu dhako doontan fuulay-
Dalooshee sii-degaysa?
Hadmuu-doobiga uqaatay
Hashuu danbar-saday dhurwaagu?
Dirxigu qudhunkuu dabaashay
Dantiisu ugu-jiraaye
Haduu damacii wal-waalay
Duufaanki xumaantu qaaday
Haduu daaquudyo raacay
Dabayshaday doogsin cararay
Haduu daawaday hilaaca
Daruurta kuhoortay saxare
Weliba didib-oon qoyeynba
Dibuu uga-qooma-moone-
Anigu wow-digay walaalkay,
Horuu-udarjiidhay sheekhu
Duxdii Udub-buu xasuustay
Dabbaa uga-baxaya meelfog
Durbaanki xertaw hugmaaya
Dayladi-lacunow uraysa
Duulkii qashay-baa ubaaqay
Inay udubaan shiriiryo-
Markii daribtii dhamaatay,
Intaasi dar-daaran-weeye
Digniinti abwaanka weeye
Diirkaa kanaxaaya weeye
Duqayda hamaagin weeye
Deriska xanaani weeye
Daryeelis xigaalka weeye
Dumaal ha-udhaamin weeye
Dameero haraacin weeye
Dulmiga hawaraabin weeye,
Dhakow dagaalkad bilowday
Doraad igu-gelisay waa-xaq
Daliil waaqaca nasiisay
Dulmiga jira noo-astaysay
Dabkiyo qoryihii uguranay
Inaan duulaan bilowno
Danyartana aan-kadhicino
Dibbir-kiyo duub-castiisa,
Hadaad dibu-guratay adigu
Hadaad daadisay rasaastii
Dunbuqi hadaad xaraashtay
Hadaad door-biday caloosha
Dulmiye haddaad kubiirtay
Inaad isdedaa haboone
Durbaankiyo heesta jooji,
Dalqada godob haw-xanbaaran
Hadoorin libaax hankiisa
Dayiyo hawdhuran waraabe
Dugaag hala-boobin hilibka
Weliba haw-dabafadhiisan
Laftuu diirkii dhamaystay,
Hadduu kuyidha dalooli
Duxdiyo dhuuxeeda heenso
Dugsibaa lala-galaaye
Hadaad debedaa kunuugto
Dadkoo ku-arkaaya laacdo
Dibnaha aad-kaga-sanqadhiso
Hadana ceebteeda diido
Adaa dalagaa yaqaana.