(SM-Hargaysa) Madaxweynaha Somaliland Mud. Axmed Maxamed Maxamuud (Silaanyo) ayaa shacabka ka tacsi yadeeyay geerida Marxuum Xaji Da’uud Warsame Nageeye, oo kamid ahaa odayaasha dalka, isagoo marxuumku ku geeriyooday Magaaladda Boorame ee xarunta gobolka Awdal. Dhanbaalka Madaxweynaha Somaliland ayaa u dhignaa isagoo dhammaystiran sidan.
TACSI MADAXWEYNE
IN-NAA LILLAAHI WA IN-NAA ILAYHI RAAJICUUN
Madaxweynaha Jamhuuriyada Somaliland, Mudane, Axmed Maxamed (Siilaanyo), waxa uu tacsi u dirayaa Qoyskii, Eheladii, Qaraabadii, Asxaabtii iyo shacbiga Somaliland, ee uu ka baxay Marxuum Xaaji Daa’uud Warsame Nageeye oo ku geeriyooday 08/01.2014, Boorama, Marxuumka oo ka mid ahaa odayaashi ka soo qayb qaatay dib u dhiskii Qaranka iyo nabadayntii beelaha wada dega Somaliland.
Madaxweynuhu waxa uu Marxuumka ALLE uga baryayaa inuu naxariistii Janno ka waraabiyo, Qoyskii, Eheladii, Qaraabadii, Asxaabtii iyo Shacbiga Somaliland uu ka baxayna Samir iyo Imaan ka siiyo.
IN-NAA LILLAAHI WA IN-NAA ILAYHI RAAJICUUN
Axmed Saleebaan Maxamed (Dhuxul) Af-hayeenka Madaxtooyada JSL.
