Musharaxa Xisbiga Ucid Jamaal Cali Xuseen Oo Guulo Waaweyn Ka Soo Hooyay Safar Uu Ku JoogayMagaaladda Burco iyo Xogo Ku Saabsan.
Burco-(SM)- Kulan balaadhan oo raali galin iyo xaal laga Siinaayay musharaxa madaxweyanaha Xisbiga UCID Jamaal Cali Xuseen, hadal hore uga soo baxay Caaqilka beesha iyo qaar ka mida siyaasinta ay isku ardaaga yihiin musharaxa, ayaa khamiistii todobaadkii hore ka dhacday huteel Cigaal ee magaaladda Burco.
Kulankan oo ahaa mid si weyn loo soo agaasimay oo ka soo qayb galeen , siyaasiin, aqoonyahano, dhalinyaro iyo haldoorka Beeshaasi oo ka kala yimi degaanadda beesha, ayaa lagu martiqaaday musharaxa madaxweynaha xisbiga UCID Jamaal Cali Xuseen.
Shirkan oo saxaafadda loo ogolayn, ayaa warar xogogaal ahi waxay tibaaxeen inuu ahaa mid ruuga laysku dhigay isla markaana dood iyo garnaqsi laysku dhaafsaday.
Waxaana gabagabadii shirkaasi la sheegay in caaqilka Beesha uu Raalin galin ka bixiyay hadalkii ka soo yeedhay oo ahaa in beesha reer sahal iyo gaashaan buur ay ku biireen Xisbiga Kulmiye. kasoo uu ka sheegay caaqilku wakhtigii maayirka Berbera sheegay inuu ku biiray Xisbiga Kulmiye, maadama madashii shirka ka cadaatay, in aan arintaasi waxba ka jirin isla markaana jirin meel beeshu go’aan ku gaadhay.
Waxaana wararku sheegeen in Raaligelintaas uu aqbalay Jamaal Cali Xuseen, sidoo kale siyaasiga Xasan Gadhweyne oo fadhiyay kulankaasi ayaa isaguna hore raali gelin u siiyey Jamaal Cali Xuseen,taasoo uu ku baahiyay warbaahinta,kuna cadeeyay nuu arab taaan yaay Jamaal cal xuseen.
Madashii shirkaasi oo ay fadhiyeen in ka badan boqol qof oo ah hal doorka beeshaas, ayaa laysla  qaatay in muruq iyo maalba laysla garab taago musharaxa Xisbiga UCID Jamaal Cali Xuseen,Waxa kaloo wararku Xuseen in Jamaal Cali Xuseen shirkaasi ka jeediyey khudbad soo jiidatay quluubtii ka qayb galaasha shirkaasi.
Shirkan waxa lagu tilmaamay inuu yahay guul uu soo hoyatay musharaxa Xisbiga UCID, islamarkaana ay meesha ka baxday hadaladii sheegayay, in qaybo ka midda beeshiisa ay ku biirtay Xisbiga Kulmiye. Waxaana talaabadani muujisay in Jamaal Cali Xuseen, hantiyay taageeradii beeshiisa oo isku duuban.
Musharaxa Jagadda madaxtinimo ee Xisbiga Ucid jamaal Cali Xuseen oo Burco ku sugan ayaa todobaadadii u danbeeyay Shirar hoosaadyo iyo Wada tashiyo la lahaa Cuqaasha ,Salaadiinta ,Aqoonyahanka iyo Dhalinyaradda Xarunta gobolka Togdheer ee Burco.
Salaanmedia/Hargaysa