War-degdeg ah:Wasiir Warancade oo shaaciyey inay gacanta ku dhigeen cidii ka danbaysay dilkii Taliyahii Saldhiga Xaaji Saalax.
Hargeisa-(SM)-Wasiirka Arimaha Gudaha Somaliland Cali Maxamed Warancade ayaa Goor-dhaweyd shaaciyey inay gacanta ku dhigeen gacan-ku dhiglihii dialy taliyihii saldhiga Xaaji Saalax Hure Sahal Ducaale oo todobaad ka hor uun lagu dilay tuulada Laan-mulaaxo goor habeenimo ah.
DHAGAYSO WASIIR WARANCADE.
Warancade oo ka hadlaaya Qabashada ninkaas wuxuu yidhi ““Waxaan jecelahay inaan dadweynaha ugu bushaareeyo in Gacanta lagu dhigay gacan ku dhiiglihii dilay taliyihii Saldhiga Xaaji Saalax Kaas oo uu hadda ku jira Gacanta Dawlada, waxaan u mahad naqayaa salaadiintii qiimaha lahayd ee gacanta ka gaysatay in la soo qabto gacan ku dhiiglahaas, waxa kale oo aan u mahad naqayaa cuqaasha, ciidanka Booliska, bulshada deegaanka oo gacan ka gaystay iyo Dawlada Itoobiya oo gacan balaadhan na siisay, waxa kale oo aan u mahadnaqayaa reerkii uu ka soo jeeday marxuunka la dilay oo naga aqbalay inay ku kalsoonaadaan dawlada oo aanay haba yaraatee wax dhaq dhaqaaq oo aargoosi ah samaynin, maantana aan u sheegayo in gacan ku dhiiglihii gacanta lagu hayo.”
Salaanmedia/Hargaysa
Xigasho Qarannews
