Xukuumada Siilaanyo oo golahii baarlamaanka iyo golihii garsoorka intay soo faro gelisay hadana maraysa golihii deegaanka!

      xukuumada siilaanyo oo golahii baarlamaanka iyo golihii garsoorka intay soo faro gelisay hadana maraysa golihii deegaanka!

 
waxa shalay shir jaa-id magaalada hargesa ku qabtay golaha deegaanka magaalada hargeysa iyaga oo ka cabanaaya shaqadii ay umada soodooratay ee deegaanka hargeysa u hayeen uu digreeto ku soo saaray wasiirka howlaha guud c/risaaq khaliif axmed isaga oo ka joojinaya inay sharciyaynta iyo qorshaynta iyo bixinta dhulka banaan ee danta guud ee dalka! oo tolow waa maxay shaqada kale ee ay hayaanba hadii wixii ay shaqadoodu ahayd ba uu ka joojiyo?!
 
hada waa gole deegaan oo lasoo doortay oo shaqadoodu tahay inay umada wakiil uga noqdaan arimaha dhulka iyo deegaanka oo ay bulshada u kala suntan qof waliba booska uu qayto isaga oo u maraaya sifaha sharciga ah ee xeerka dhulku dhigaayo una sharciyeeyaan kalana ogaadaan qof waliba meesha uu leeyahay iyo meesha danta guud ah ee umada ka wada dhaxaysa,
 
shalay uun bay ahayd markii koox garsoorayaal ah oo maxkamadaha ka shaqeeyaa ay si qaawan intay saxaafada u soo hor fadhiisteen uga cawdeen in shaqadooda ay ka gudan la yihiin wasiiro xukuumada ka tirsan! taasi waxay calaamad u noqotay in aanay xukuumadu lahayn siyaasada qeexan oo ku wajehan habka ay u wada shaqayn karaan golayaasha qaranka ee ay kala madax banaan yihiin sida golayaasha sharci dejinta iyo garsoorka dalka oo isna madaxbanaan iyo golayaasha deegaanka waxaana ka muuqata xukuumada siilanyo hogaamiyo in xubnaha kamidka ah goloha wasiiradu ay isaga socdaan madaxaa ha ku furto! iyo hortaa banaan oo wasiir kastaa uu meesha uu doono si qaawan isaga farageliyo,
 
wasiirka madaxtooyadu isaga oo uu horfadhiyo madaxweyne siilaanyo waa kii magaalada Liverpool uga han jabay gudoomiyaha baarlamaanka iyo xubnaha wakiilada ee markaas dhaliilsanaa siyaasada xukuumada ee yidhi sankiina ayaanu caano ka idlayn! isagoo xitaa aan dhowrany karaamada madaxweynaha meesha fadhiya! hada cida uu meesha uga hanjabayo xirsi waa gole qaran oo madaxbanaan oo sharciyadiisa leh!,
 
waxa kamidka ah dowlad wanaaga waa hayadaha qaranka oo wada shaqayn buuxda leh oo qolo walba shaqadeeda aan lagu soo faro gelin hadii taas la waayo waxa dhacda jaantaa rogan sida maantaba ka muuqata xukuumada talada haysa, waxa dhaca in la kala garan waayo cid leh go-aanka kamadanbaysta ah maahmaah carbiya ayaa tidhaah (hadii kuugtu badato maraqa ayaa fasahaada!) markii uu ilaahay bani aadamka abuuray ayuu uGu talo galay in uu yeesho hogaan waxaana uu nabe geenu muxamed NNKH inoo sheegay saxed dii qof ee meel maraya xitaa safar na ha ahaadaane inay qof hogaan ka dhigtaan taasi waxay kuu cadaynaysaa in laga ogolayn waxa layidhaah fowdada iyo is bar baryaaca,
 
dalka waxa loo doortay inuu hogaamiyo madaxweyne siilaanyo cidii kale ee uu shaqada qaranka u igmadaana waa waajib qaran in lala shaqeeyaa laakiin waxa fowdo timaadaa marka qofkii qaranka uGu sareeyey meesha laga waayo oo cid aan hogaanka loo igman intuu talada marooraso uu meel baas kala dhacdo isaga oo qofkaasi dano gaara uga faa-idaysanaya!,
 
weli may dhicin intii qaranka Somaliland jiray iyo intii hogaan ee is bedelayay wax kaleba halagu dhaliilee in masuulkii qaranka ugu sareeyey iyo kuwii uu isagu shaqada u wakiishay ay sidan oo kale si fowdo ah isu barbaryaacaan oo wasiir kastaaba meeshuu doono iska fara geliyo si shuruucda dalka u taal ka baxsan aan xukuumadan maanta shaqada haysa ahayn!
 
waxa layidhi sadex ayaa mataxtinimo kaa qaada gacan gudhan gudoon jilicsan iyo gar eexo! maanta hogaan keena waxaa ka muuqda gudoon jilicsan waxaad arkaysaa hal dhacdo oo ilaa shan xubnood oo xukuumada ka wada tirsan midba meel shir jaraadid kaga hadlaayo! 
 
dalka waxa ka socda boob dhinaca awooda ah iyo hanti urursi aad u balaadhan kaas oo uu rabo masuul kasta oo xil haya inuu ka faa-idaysto inta uu xafiiska joogo ha ahaado mid wadooyinkii is hoos geeyay si dhaqaale uga soo galo mid raba inuu dowladihii hoose dhulkii shaqadoodu ahayd kala wareego mid hantidii yarad ee airport yada loogu talo galay boobay iyo mid marba shirkado shidaal baadha meel heshiis qarsoodiya kula saxeexanaya oo raba inuu saxeexaas uun wax ku dilaalo oo uu shirkadaha ka qaado wax layidhaah xaqul qalin! maba kala jecla inay shidaal soo saaraan iyo in kale laakiin isaga waxa uga muhiimsan xoogayga dufanka ah ee uu markaas ka qaadanayo waayo waxa uu aamin san yahay beri ayaa xilka lagaa qaadayaa ee meesha ka xoogso ma laha wax wadaniyad ah iyo dalka u shaqee laakiin waa soo shaqo tagay! waa dhaqanka cusub ee laga dhax laayo xukuumada siilaanyo! iyo team ka la shaqeeya,
 
waxaan leeyahay dalku waxa uu u baahan yahay gurmad qaran oo lagaga bad baadiyo ayaxan diirtay ee marqudha ku hab saday! waxaanse ka baqayaa wuu tageyaaye hadii uu ina dhaafo in uu koron koro inagaga tago!
 
 
aadan axmed nuur