Waxaa Axadii 22nd kuqabsoomay Hotel Savana ee xaafada Shepherd bush London xaflad aad u balaadhan oo ay soo qaban qaabisay jaaliyada Somaliland ee UK , xafladan oo ahayd mid lagu soo dhoweynayay lataliyaha madax weynaha JSL ee arimaha bulshada mud: Barkhad Jama Xirsi ayaa waxaa kasoo qayb galay Safiirka Somaliland ee UK Cali Aadan Cawale
Gudoomihaha TVga qaranka C/raxmaan Aadan Dheri Xisbiyada qaranka,qaar kamida urururada bulshada iyo dad weyne farabadan,
Ugu horayn waxaa lagu Furay Aayado Quraana kadibna waxa lagu soo dhaweeyey Iman Maxamed Ciise oo ahaa gudoomiyaha gudidii qaban qaabada oo uu afkooda ku hadlayay
isagoo soo dhoweeyay barkhad islamarkaana aad ugu mahad celiyay dhamaan dad weynihii kasoo qayb galay xaflada, waxaa isna halkaas kahadlay gudoomiyaha Jaaliyada Somaliland ee UK mud:Cabdala Saalim oo isna dhiniciisa umahad celiyayay kasoo qayb galyaasha isla goobtanaasna kusoo dhoweeyay Barkhad UK Gudoomiye Cabdale waxaa kale oo uu BAAQ udiray madax weynaha Somaliland Axmed Maxamed Siilaanyo isagoo kacod saday in Barkhad Jaamac oo ah la’taliyaha Madaxweynaha Somaliland ee arimaha Bulshada iyo haldoorka kale ee lamidka ah uu gaadh siiyo ilaa heer wasiir isagoo ku tilmaamay nin koobsaday aqoon, karti, iyo muwaadinimo.
Waxaa iyana halkaas kahadlay qaar kamida xisbiyada qaranka Soomaaliland iyo xubno katirsan urururada bulshadaÂ
Sidoo kale  Safiir Cali Aadan iyo gudoomiye C/raxma ayaa iyana dhankooda kusoo dhoweeyay Barkhad halkaas iyagoo ku tilmaayay muwaadin aqoon yahan ah ,geba gabadiina waxaa halkaas qudbad soo jiidatay kasoo qayb galayaasha kalkaas kasoo jeediyay Barkhad Jaamac tasoo isugu jrtay mahadnaq, Xogwaran , tallo ama waano iyo kaftan aad uga qosliyay bulshadii ka soo qayb gashay
Xaflada. Xisbiga UCID ayaa ugu danbeyntii hadyad sharaxeed ku maamuusay. Waxayna kusoo gaba gabawday jawi farxad iyo ray rayn ah
www.Salaanmedia.com
London
