July 21, 2014 Buuhoodle(SM) –Â Waxaa Maanta lagu aasay Magaalada Buuhoodle ee Xarunta Gobolka Cayn Marxuum Garaad Cabdilaahi Garaad Soofe
oo shalay  ku Geeriyooday Magaalada Buuhoodle. All Ha u Naxariistee aaska Garaadka Waxaa kasoo Qayb Galay Wufuud isaga kala yimi  Somaliland iyo deegaamo kale oo ay somalidu degto. Dadkii ka soo qayb-galay Aaska Marxuumka ayaa halkaasi ka jeediyay khudbado kala duwan oo ku aadan taariikh nololeedka Marxuumka. Alle ha u naxariistee Garaad Cabdilaahi Garaad Soofe, ayaa Xilka garaadnimo waxaa loo Caleemo saaray 1983 August Isagoona ilaa maalintaasi ka shaqaynayey Arimaha horumarka iyo nabada deegaanka.
Garadku wuxuu wax barashada diiniga ah kusoo qatay dalka Sucuudi Arabia iyo magalada Baydhabo, wuxuuu kasoo qayb galay shirkii carta iyo kii dastuurka Soomaliya Lagu Ansaxinayey. Alle ha unaxariistee Wuxuu ubad ka tagey Garaadku 9 caruur ah (afar Ragga 5 gabdhood) iyo sidoo kale Caruurta ay sii dhaleen.