Marwada madaxweynaha Soomaaliya ayaa markii ugu horeysay waxaa ay ka sheekeysay dagaalkii ugu dhibka iyo yaabka badnaa ee ku soo marey magaalada Muqdisho iyadoona sheegtayinay dagaaladaas ay ku geeriyoodeen qaar ka mid ah eheladeeda.
Marwada madaxweynaha Soomaaliya marwa Sahra Xasan Cumar ayaa waxaa ay markii ugu horeysay ka warantey qisadii ugu yaabka badnaa ee ka qabsatey dagaalada dalka Soomaaliya gaar ahaana dagaaladii ka dhacay magaalada Muqdisho, Marwa Sahra Xasan Cumar oo dhawaantaan wareysi siiday telefishinka Universal Tv ayaa waxa sheegtay inay goob joog u ahayd dagaalo badan oo ka dhacay magaalada Muqdisho Laakiin ay wali xasuusato dagaal ay ku dhinteen qaar ka mid ahaa eheladeeda, dagalkaas oo ay ku sheegtay inuu ahaa mid la isku adeegsadey hubka noocyadiisa kala duwan ayaa marwada madaxweyne Xasan Sheekh waxay sheegtay inay dhowr qoys oo darsikeeda ahaa ay ku dhinteen dagaalkaas ka dib markii uu ku habsaday madfac iyadoo sidoo kalena sheegtay inay ku adkaatey sidii gurmad loogu fidin lahaa dadkii ay dagaalka waxyeelada ka soo gaartey.
Salaanmedia/Moqdisho
