Dawlada Ingiriiska Oo Sheegtay Inuu taageero Siyaasadeed iyo Mid Farsamo Siiyo Guddiga Doorashooyinka Qaranka Daboolkana Ka Qaaday Wada Hadal U Dhaxeeya Somaliland Iyo Maamulka Puntland
Wasiiru dawlaha Ingiriiska ee dalalka Barwaaqo Sooranka Baroness Anelay oo maalmo ka hor la hadlaysay aqalka baarlamaanka Ingiriiska ayaa waxa la waydiiyey taageerada uu Ingiriisku siiyo degenaanshaha siyaasadeed ee Somaliland,waxaana ay wasiiradu ku jawaabtay
“Ingiriiska waxa wali ka go’an xoojinta xasiloonida siyaasadeed ee Somaliya oo ay ku jirto Somaliland.Waxaanu taageero ka gaysanaa wada hadalada u dhaxeeya Somaliland iyo Maamulka Puntland oo daris ah iyo ka u dhaxeeya dawlada Fadaraalka Somaliya ee la xidhiidha danaha ay wadaagaan Somaliland.Ingiriisku waxa uu xubin Firfircoon ka yahay koox deeq-bixiyayaal calaamiya oo taageero farsamo,dhaqaale iyo siyaasadeed siiya guddiga doorashooyinka qaranka iyo guud ahaanba doorashooyinka Somaliland.Waxa caawimadaas ka mid ah 2.18 Milyan oo giniga Ingiriiska ah oo uu Ingiriisku ku taageeray qorshaha diyaarinta iyo gaadhsiinta diiwaangalinta codbixiyayaasha Somaliland ee loo adeegsaday farsamada sawirka indhaha”.
Gabagabdiina ma jirto meel ay dawlada Somaliland hore ugu sheegtay inuu jiro wada hadal ay kula jirto maamul goboleedka Puntland ee ay ka dhawaajisay dawlada Ingiriisku.
Salaanmedia/Hargaysa
Xigasho Geeska
